Seyda Mêrdînî

LI MALA GEL Zerî ya kurda kujer kirin Çavê dayikan hêsir kirin Dil û ceger bi xwîn kirin Gelê kurd bi xemgîn bû Belê xuşka deniz bi tenê Hay tune ji daf û kemînê Kefen bû ji elem û xwînê Keça kurda bê haydarbû Keça kurd û kurdistane Neyarê hov li te mêvane Li ser sifrê taştê û nane Mêvan kujer te nizanbû  Nîvçe mabû nan û taştê Li mala gel sifra mewtê Zeytûn û fringî û çay tê Ê kujer kir ew mêvan bû Didin soz û bi peymanê Tu kes nake girî û şînê Em ji bîr nakin te şêrînê Heta ku welat felat bû Tu raperîn û hevalekbû Gelek hêja û delalek bû Ji bo kurda şepalek bû  Di mala xwe tu bijartîbû Bi wijdan û bi bawer bû Welatparêz û perwerbû Pir jinxas û bi ceger bû  Ji gelê xwere birastî bû Keça kurda dilşewatbû  Can û rihê xwe wê dabû  Li xizmeta mala gel bû  Bê tirs û saw l'ser karbû Zerî ya kurdan xatir nexwest Li goristan neda me dest Kê te didît ew bûn sermest Te dil li wan guvaştî bû Emê çawa te ji bîr bikin Zarên biçûk ji şîr vekin Pir hewar û qîr qîr dikin  Dil û ceger te dirandî b

TA MIRINÊ  Ez şêr û egîtê rojava me Can gorîyê xaka xwe me Ez gernasê gelê xwe me Her demê ez li qada me Ez sozdarê gelê xwe me Ji bo kurdistanê gorî me Sar û bager min nexeme Ez şev û rojan li piya me Cengawer ê dil birîn im Kul û kesera di civîn im Li ser rêya dergevan im Tax û kolana şervan im Serbazê nava gunda me Bi eşq û evîn, serî hilda me Ez aştî xwaz û ez aramî me Ta mirinê pey doza xwe me S Mêrdînî 10.10.2018

GULÊ DIÇE BER                    BI KANÎKÊ Gulê diçe ber bi kanîkê Ber hev dike ew tûzikê  Fîstan dirêje li gûzekê  Por reşê kezî li kabokê Gulê tu wek kar xezalî  Beybûn û nêrgiz û lalî  Bedew û rind û delalî Şitla rihan nig bi xirxalî  Dil heye ez te himêzkim Eşq û evîna te hêzkim Jibo derd û kul û xema Di dil û hinavê xwe kim Gula baxê xwe bibînkim  Şevê reş tarî bi çira kim Bi dil û can te hez dikim Çawa bikim te bîr nakim Xwezî min gulê nedîba Bila dil bê zar û tazî ba Bê dost û bê xwedî ba Di wê kêlîkê ez mirîba S mêrdînî 21.06.2020

ÇI KURDIM? Çûme welat, giriyê min hat  Diaxivîn bi biyanî, kurdî hilat Ziman têk çû, li bakûrê welat Kurdî nema ye, li nava civat Bê zar û bê ziman, çi kurdim Kurdî ji welatê min, pir dûr ket Ji dayê, mêj da bûme firqet Bû biyanî, bê cîh û bê hurmet Kanî welat, ka warê'm rêzgirt Bê kursî bê dewletî, çi kurdim Ka guhdarî, derd û kulê zanyara Çi gotar bê gune, ev êşa azara Kul û xema can, da ber kesera Biyanîyê ez kirim, wekî hejara Term maye bê derman, çi kurdim Cîwarê bav û kala, kete bin desta Em ji neyarra bûn xulamê berdesta Neyar li warê me dijî, em li mişexta Hewce nîne hê em, mane dilmesta Welat nexim dil, ranexim çi kurdim S Mêrdînî, 23.06.2018

  EW SEBRA DILE Ew sebra dil e           Bê xew xeyal e Jibo evîndara           Derman li bal e Ji bo te dînim           Jar û xemgînim Di evîna te da           Ez xwe dibînim Ez xwelî li serî           Min azadî nedî Di jîyana xwe da           Min evînî nedî Lê çav bi kil e           Ebrû  bi  zil e Lêv sorgul e           Xweş delal e Ziman xweş e           Rûcik çi geş e Nebim  şaş e           Rind  û  baş e Li  ser  delav e           Rûbar  û  av e Dil  bi  xunav e           B'deng û nav e Bi sewt bilbil e           Ser dara gul e Şewq û şemal e           Wek kar xezal e Dost û heval e           Bi  rêz  delal e Bi xwedî şal e           Xweştê li bal e  Li baxê gula           Dest da mila Ar berda dila           Li min bû bela S,M, 15.06.2021

GULISTAN WÊ                    BIBE FELAT Ez li kolan û li qadan Serekê mêr û egîdan Xort û ciwanê kurdim Şox û şepal û medim Him gernas û lehengim Pêşmergekî bi cengim Ez şervanek bi dengim Xwedî netew bi şengim Mêrxas wekî min nîne Dijmin û neyar nedîne Şev û rojan wek şêrim Li hemberî sed mêrim Dema şûr ez dikşînim Ez gelek serî difirînim Bû hewt,hewta neyaran Tirs û saw ket dilê wan Çek û tiving li meydanê Dibare wek tavê baranê Neyar tev tarû mar bûn Ziravê wan qetî ya bûn Revîn derketin ji welat Gulistan wê bibe felat Mizgîn li qamişlo, xelat  Amed, hewler, mahabat S mêrdînî 22.06.2021

XEWNÊ ŞEVAN! Dîlber laş û giyana minî  Dil û cerg û hinavê minî Gul û rihana bêhna minî Roniya herdu çavê minî  Dîlber tîr xist cerg û dilî  Li ser sînga min de kelî Dil firî ya bê bask û perî  L' sîng û berê dîlber helî  Dil şah bûye sîma ve bû Mizgîniya xêrê li me bû Mebestê tevgera xwebû Ew xwesteka dilê minbû Dîlber derd û kul û jane Dil û ceger tev daxdane  Fikr û raman pûç kirîne Wek sermesta  digerîne Winda bûne xewnê şeva  Ken reviyan ji dev û lêva  Firmêsk dibarin ji çava  Hûrik têne wekî xunava Êş ji hinav nayê berdan Jîyan limin bûye zîndan Ezê çawa bînime ziman Ev êş ji bo min pir giran S mêrdînî 09.06.2020

EZ AŞIQÊ WAN                    ÇAVÊN TE  Ez aşiqê wan çavên te Dor pêç kirim awirên te Xelas nabim ji evîna te Bi rêve naçe jîyan bê te Peyvên te rind û şêrîne  Xweşî ji bona min tîne Nerînên wan çavê şîne Dil û cergê min d'helîne Zerî bes dilê'm bi êşîne Berê felek l'min bi kîne Dil û hinavê'm bi xwîne Haya kesî ji min nîne Tu tuneye ez qet nînim  Kenê lêvên xem revînim  Bi nutqên te dil birînim  Ji bo te ez har û dînim Penaberim dil jite dûre Êşa birîna min pirr kûre Hawir dor tev kirin sûre   Rê li minbû asê w stûre Di rêve de baran dibarê  Şil bûn giya û pelê darê Tev bûn bi xêr û bi berê  Jibo eşq û evîna te yarê S Mêrdînî 16,06.2020

ZIMANÊ KURDΠ Zimanekî xweş û rinde Ez pê dibim ser bilinde Zimanê bav û kalê min Bi wate w dewlemende Ez netewek gelê kurdim Serfiraz û ser bilindim Dilê min tim şikestî ye Ez şanaz him dilşadim Ez bi kurdî hatim dinê Bi nivîs û bi xwendinê Ziman şêrîn hingivîne Nadim mal, mikê dinê Kurdî wek şîr û şerbete Bextewar tim bi rûmete Tu bi hebînî wek mileta Bê ziman tune dewlete Ziman xelasî ya meye Dê û bav, birayê meye Met, xaltîk, xwişka me  Him bapîr û kalê meye Kesê bi êş û jan û girî Bi ziman têne çareserî Zar û ziman dibe ronî Şewq û şemala vekirî Ev çi ecêbe dewra dinê Ger kes nemîne li dinê Nadim ez bi zarê dinê Ne bi peyv û axaftinê S. Mêrdînî, 11.09.20

XWELÎ LI SERIN 1 ...! Li mişextiyê dipirsim, Çiqas zor û zehmete. Bê niştîman ditirsim, Wek ecêb û sosrete. Dil bêgune û xeterin, Nabe car car lê çare. Li evîna xwe digerin, Wek cazîba cercere. 2 ...! Gelî xwedî dewletan Kanî dadmendî kanî Ereb û ecem û tûran Tev de tên vî zimanî Gurmîn teqîna topan Çû ye ezman û banî Sor bû erda niştîman Ji xwîna qehremanî 3 ...! Ji ber ku em nezanin Loma em bûn perîşan Li nav pençê sê guran Miletek bi derd û êşan Derman û çare xwendin Wek Cegerxwîn gotiye Bê zanyar û bê zanîn Cerg û hinav sohtiye 4 ...! Bi netewa xwe xayînî Malik li xwe dikî xera Bi zar û zimanê biyanî Xwar dikin find û çira Her xayîn xwelî li serin Dil hişkin wek kevira Ji kurdistanê xeyîdin Li gel dijmin bûne bira S Mêrdînî 17.06.2020

KURDINO! Kurdino! rabe,  zeman tenge. Ar û pêt ketî, dil û cerge. Li ser welat, şer û cenge. Xebata we, tev bê denge. Hovana, em çilmisandin. Bi ol û pergal, em xapandin. Find û çira, me tefandin. Li bin zilmê,  em civandin. Ji te gazin, hemû kulfet. Hawir dor te, gel û millet. Nêrîna rewşa eyb û şerme. Ji ber wusa, em bê dewlet. Ger bi zimanê xwe bixwînin. Kurdewariyê, bi cîh bînin Ger tovê jînê, em biçînin Wekî xelkê, jînê bibînin. S mêrdînî 08.12.19

BELENGAZ KUŞTIN Belengaz kuştin bi kerb û bikîn. Gelî û newal tijî bûn ji xwîn Ecêba wê kengî jibo me mizgîn. Divêt azad bim d'demek lezgîn Ji xeynî gelê kurd êsîr nemane Hezarên sala ser me fermane Derd û kulê me gelek girane  Birîn zehf kûr in nîne dermane Şêrên kurda tim nemir xuyane Mal zanîngehe ew lê gihane Ji mêj de ew mêrxas wehane  Bo welatê xwe ew can fedane Derya çavên wan ez pir dûr birim Wan di tarîya xwe da ez êsîr kirim  Lê neveger, wan bi derd û kul kirim Wan di eşqa xwe da ez zîndan kirim S mêrdînî 15.06.21

EZMÛNEK MIN               DERBAS KIR  Çiqas pirin jibo min dost û yar  Heta ku ez bi dirav û bi dolar  Dibin dildar dûpişk, mişk û mar  Kedî bûn ew hirç û gurê har  Dema dîtin ji min sûde  Li mal hero w diro eyde Digotin merheba seyda  Dest maçî, ser eniyede  Tim digotin tu pir başî Tu ji bo me birakî başî Xeletîyê min ne digotin Îro evdalek mam lipaşî  Bi dev dost û bi dilsojin  Wek stêrk w hîv û rojin  Metik û xaltîk û amojin  Bi dil pêt û arê bi dojin Dema li min bûye tengî  Bi hawar û qîr û dengî  Ne dîtim dost bivî rengî  Jibo dirava bûne bengî Ez difikirim çawa çêbû Berê dostanî pir çêdibû Pelê dara'm tev weşîbû  Yan dostî tazî w birçîbû Çeng û perên xwe vekir Şûn warê xwe wêran kir Hal xweşîya xwe bi serda Min malik li xwe xera kir Hatenî min xwe nas kir Mal û milk tev winda kir Min xelas kir tarûmar kir Ezmûnek min derbaskir S Mêrdînî 15.06.21

BIRÎN JI MÊJ. Dikim qêrîn û zûr, zûre Delal gelek ji min dûre Laşê  min tev bi birîne Birîn ji mêj kevne kûre Birîn b'kêr û b'xencere Di pişta min rim û şûre Dijmin hawir kirye sûre Deng naçê gelekî dûre Delal zerya keskesore Rengê wê li erd û jore Girgire li ber guhê min Guh li min kirîye kerre Neyar û hov ligel heve Ez  û  delalê ketin teve Em xistin daf û kemîna Hebûn ji xwe birin teve Rojên xweş roja me bû Li me rêş û tarî kir bû  Pertal, dexl û danê me Talan kir û j'xwer birbû S, Mêrdînî. 11.06.21

HALÊ ME TIM! Em bin destê vî neyarî Li me bûne gurê harî Halê me tim perîşane Dilê me bi qêrîn û zarî Egît û şêr hev ceng dikin Dilê dayikan dax dikin Guh didine dijminê xwe Kurdistan tarûmar dikin Neyar û hov birçî hişte Em pêxwas û tazî hişte Rewşa me qet nebaşe Tiştek ji bo me nehişte Dirandin libasê ser me Girankir derd û kulê me Em pir gelkî westiyane Deng nayê ji serekê me Bi çavê xwe em digerin Em birevin ji vir her in Derdora me tev kemîne Jiber wê em bêtevgerin Direvin ber bi çol û çiya  Nava wan dar û devî ya Bêhna azadîyê li wir tê Rojek xweş liwir dixûya Pêşmerga li wir bibînin Ger li wir wana nebînin Deng û sewta egita tê Em bira kujî rawestînin Jan û êş ketye serê me Kesek tune ye ligel me Xwediyê xelkê tev hene Ev çi bû hatye serê me Gava xwediyê me heba Her kes wê li rex meba Ne dibûne dîlê stûxwar Wê cîhê me ser kursîba S mêrdînî 11.06.2021

DELAL, Delal û rinda                   min tuyî Şox û şenga                 min tuyî Eşq û lewenda                  min tuyî  Palder û pala                  min tuyî Gul û kulîlka                  min tuyî Bêhn û hilma                   min tuyî Perî û horîya                   min tuyî Hingiv şêrîna                  min tuyî Şewq û şemala                  min tuyî Find  û  çira                  min tuyî Şekir qenda                  min tuyî Dost û yara                  min tuyî Sebr û kovana                  min tuyî Nasyar û xêza                  min tuyî Lehengê pişta                  min tuyî Peyala ava                  min tuyî Dem û herdema                   min tuyî Gula li baxçê                  min tuyî Şalûl û bilbilê                  min tuyî Girî  w  kenê                  min tuyî Birînên laşê                  min tuyî Hêsirê çavê                  min tuyî Pêt agirê dilê                   min tuyî  Rist û helbesta                  min tuyî Hest û tevgera                  min

LÊ DELALÊ. Delal rindê kar xezalê  Fermo em herin malê Lê qeşengê lê hevalê Dil ji bo te tim dinalê Lê delalê ji te têr nabim Were rex min eya xanim Wek şalûl û wek bilbilan Bi qîr û hewar û fîxanim Lê xanimê poz bilindê Serî hişkê dil cemedê B'wan soz û peymanête Çav li rê ma ey lewendê Mal û wêran li serê çiya Dest bide wek bedewîya Bi dil û can û li ser pîya Jîr be nebe wek sêwîya Lê delal dil bûye xwîne L' bendî wê warê şêrîne Bo te dil bû bi êş û jane Dilê'mi bû bi kul û birîne Dilê'mi debar nabe bête Dil û cerg bû ar û pête Dil nexweşe bêdermane Çare û rindî bi destê te Xweş delala li ber vî dilî Çav reşa nav baxê gulî Xwezî min te dîsa bidya Wek demên rojên ewilî Mêrdînî ji bo te bê hale Li biyanîyê bi nale nale Nav nivîna deye li male Temen çûye em bû kale Seyda mêrdînî 22.06.18

DIL KEVIRÎ Gulê hin car dil kevirî  Carna wek pêt û agirî Bi hêz wek şûr û bivirî  Kêr û xincer dil dibirrî Car tu wekî baxê gula Seda didî wek bilbila Tu dibêjî stranên dila Govend û dîlana mila Ax bi wan demên berê Li gundê meyê şengerê Timî diçûm bin bêderê Bendî te bûm gula zerê Heger dinya li me rabe Jiyana me bê hev nabe Jiber ku em yek canin Loma bime bawer nabe Agir di dilde gûr neke Bela biska ji zilfa veke Bi tilyê nazik pora şeke Loma tucar ji min neke Dengê gulê limin xweşe Temen dibe deh û şeşe Ger laşê min pirr biêşe B'dengê gûlê dibe geşe S Mêrdînî 09.06.2021

LO DILO! Ev dilekî bê dewlete Wekî kawayê hedate Ne hesin û ne xebate Bi derd û kulî, lo dilo Ev dilekî bê hekîme  Ditirse bêje ez kîme  Me ne war û ne xîme Bê cîh û warî, lo dilo Ev dilekî pir feqîre  Tim bin desta hêsîre  Pênûsa wî wek tîre  Tu tîrik avêjî, lo dilo Ev dilekî tim tîr davêjî  Derd û kula tu dibêjî Ji pênûsê xwîn dirêjî Bi tîr birîndarî, lo dilo Ev dilekî pir, birîndare Nikar lêkî wek hercare Qedexe ye nivîsa kare Tu bi xemgînî, lo dilo Ev dilekî tim pîr û kale  Nexweşekî pir bê hale  Ew wek kesê pişt li pale Tu bi êş û janî, lo dilo S mêrdînî, 30,05,2020

EM NETEWEK                   PIR JÎRIN Em netewek pir jîr in Zana û bi heş û bîr in Em zû ava kin dibistan Jibo xizmeta kurdîstan  Bixwînin bi zimanê xwe  Em nas bikin dîroka xwe Xwendin tim serkeftî ye Ji bo me azad û aşitî ye  Pênûs û çek hevalbende Ew b'hevra dewlemende Mixabin bi tenê nikarim Bar giran û ez bê çarim Tu kes li dora min nema Mame nav derd û xema Keko ger em nebin yeke Derd û kul dibin geleke Bibin yek û bi rêz û silava Daxwaz nayên bi lavelava Êdî bese keko rêncberî Him mişextî û koçberî Gelek jê bûn penabere Pir kes çûne bê vegere Netewek ji hev bê parin Dijmina malê me xwarin Serê me hişk wekî kevir Hizb dinav me bûne pir Jiber ku em nebûne yek Mirovên baş çûne gelek S mêrdînî. 21.11.2020

MIŞEXTÎ! Mişextî û penaberim L' biyanîyê ez digerim  Çavê windayî dinerim Hestan ji xwe dirêjim  Çima bê war û berim Stûxwar û bi keserim Wekî teva di rê herim  Ez bi biryar, bi qirarim Li qanûnan guhdarim  Ez ar û pêtên li darim Li pêl ên avê siwarim Xwedî bajar û b'şarim Mêrg û zevîya bizarim Gula kesk, sor û zerim Mêrxas û egît û şêrim Jibo te cangorîyê jîrim S,mêrdînî. 25.08.2020

NESRÎN! Nesrîn jibo te bûm bengî Herder li min bûye tengî L'ser te ez har û dîn bûm Tu kes nedîm bi vî rengî Nesrînê gulek bi renge Rûyê min çû ser çenge Razêm serî li ser sînge Delal li min bû derenge Nesrînê maçek ji lêvan Sîng û ber li cotê sêvan Ger mirim jî xem nake Piştî ligel min tu mêvan  Nesrîn dil jibo te digirî Bû ye wek pêtek agirî Cerg û dilê min helîya Ger tu neyê  dil di mirî Nesrîn rewş pir xirabe Ji goran tu kes ranabe Ger tu mi derman nekî  Derd û kul, çare nabe Min hewar sed heware Dil û cerg bi zare zare Yan wê nesrînê were Yan ezê herim axa sare Bilez çûm cem mêrdînî Dermaek jibo min nabînî Dilê min ketî ye nesrînê Çarekê ji bo min bibînî Mêrdînî bilez û bez kir Ber xwe tijî  pirtûk kir Yek bi yek tevd xwendî Pel bi pel wî wergêr kir Çara te êş û evîna dile Ji bo zerîya çav bi kile Nav nesrînê li rex gule Dixwîn bi sewta bilbile  S, mêrdînî, 13.09.2019

JI GELÊ XWE HEZ BIKÎ Ji gelê xwe hez bikî,  gel ji te qet nagere. Çendê ji wan birevî, ewê li pey te were. Kurd aşiqê hev bibin,  wek evîna mem û zîn. Dema hevdu nebînin, bibin bi xem û hezîn. Hez kirinê bîne ziman,  evîna xwe û welat. Hindî xurt be ew evîn,  wek çiyayê cûdî û xelat. Bibin netewek zanyar,  dê her kes bike xebat. Bi zanist û dadmendî, dê zû azad kin welat. Gelek xwe dikin zana, bawer bikin jî nezanî. Welatê xwe tev firotin, bi dirav û bi erzanî. Qilêrok û tev xayînin, têne hev dûv bi beranî. Ew karê pîs û qirêj, bav û kala ji mer danî. S Mêrdînî 10,06,2021

SOSINA MIN! Sosina min tu çav reşî Rûçik bi kenî û bi geşî  Nav baxê gulan dimeşî Tu rindî xelk bi te şaşî Şox û şenga min şêrînî  Ji bona welat dil birînî Di ceng û şer bi halanî Welat ji dijmina bistînî Sosinê keçika  kurdanî Lênûsk pênûs te hilanî Ji dil û can di kir axînî  Welat jibin desta derînî Derdê min axa welate  Armanc jibo gel xebate Ji pênûsê hêzê digirim Laş ji bona welat xelate Ev hêza bist û nehane Kurd hîn jî dixew dane Welat tev hêvîyê mane  Çavê şêx û qazî li wane S, mêrdînî, 31.08.2020

DERD Û KULÊ ME WELATE Gelemşa welat ji mêje  Dijmin navê wî nabêje  Hov û xayîn me kir gêje Derd û kulê me welate   Sedem qilêrokên qirêje Li cem dijmin hildavêje Bi dijmin ra agir dapêje Derd û kulê me welate Agir berdan nate fînin Cîh û wara dişewtînin Me dûrî hevdu dixînin Derd û kulê me welate   Me dûr xistin ji civatan  Em mane li ber minetan Ji dest xayîn û xîyanetan Derd û kulê me welate Wekî gurê peza xwarin  Ne hiştine cîh û warin Xezeb li ser me dibarin Derd û kulê me welate   Em mane dibin xezeban Dişewitîne dil û kezeban Xwedê xerak mala sebeban Derd û kulê me welate  Kurdistan tu bi mêrkujî Bê ziman lalî nikarî bêjî Ji derd û kula bûye gêjî Derd û kulê me welate Welat gêj bûye ji derdan Heyfa wan zevî û erdan Maye d'destê namerdan Derd û kulê me welate   Jibo welat em evîndarin Derd û kulan birîndarin Dil bi kovan dilbi arin Derd û kulê me welate Seyda Mêrdînî          03,04,2018

PIR XWEŞ BIBÎNÎ ! Gulê tu pir xweş bibînî Her gav liber çavê minî  Kabûsê li ser sînga minî Gulek xweşika pir şêrînî Gul vedibû min bîndikir Mezin di bû dil ve dikir  Eşq û sewda ji min dibir Dil û cerg, ar û pêt dikir Ez dixwazim ji te evînê  Ligel min tu pir şêrînê Gulê wer dilê min veke Tuyê xwe tê de bibînê Evîna te dîn û har kirim  Ezê ji ber te kuda herim Jite dûrim bi êş û janim Bibîr û bawer te bibînim Rojek limin bibe mêvan  Rê ya te biçînim şîlavan Serjê bikim berxû beran Tuyê bibînî şabûna dilan S, mêrdînî 26.05.2020

DAR DI DEST! Kurdistan teq û reqe Kurd nebûn yek tifaqe Dijmin û hov geşt dikin Li dijî kurda bi tifaqe Ji celad ra dar di dest Hizba netewî şikest  Di hemû jiyanê da Ne bûn azad û serbest Di kurdî, nehiştin tam  Dijî hev bira û pismam Jibo berjewendên xwe Ji dijmin ra bûn xulam Bela tên ji nişkave Xayîn bi malê dinyêve Welat bi dirava firot Doza kurd ma nîvcove Wan kurdistan  firotin  Dilê netewa kurd sotin Lewma liser axa me Neyar û hov cot cotin Bawerîya do,pêr nema Kurd ketin kul û xema Xwîna xort û ciwana Dan bi zêr û dîrhema Hina dest hildaye zend Kurdî tî kir berjewend Ji bona malê dinyayê Ji bo neyar bûne bend Xweş dihat bi neyara Dirandin, dilê hejara Ew birînek gelek kûr Derman nabe tucara Riha mirov dibe bost Dijmin nabine dost Ger welat jî çû ji dest Bi kêr nayê per û post Welat warê kurdaye Bi rûmet pir buhaye Welat nayê firotin Can û giyana dilaye Kurdistan pir şêrîne  Cîh wargehek zêrîne Ger kesê welat firot Ew qilêrok û xayîne Ji mêj em nebûn yek Ji hev dûr bûne gelek N

WELATÊ EŞQ Û EVÎNÊ! Welat ê eşq û evînê  Gelek xweş û şêrînê  Cîh û wargehên şînê Dermane ji bo birînê Welat xweş û delale  Firat  û  tigris  zelale  Tev de mazî û dehle  Dil jibo wî tim dinale Welat demsal bihare Sûlav û kanî û robare Zar û zêç li bêndere Kêf dikin dost û yare Welat dil geşa dilan Wek şalûl û bilbilan Dixwîne li ser gulan Ne birojan, ne bisalan Welatê bi bîn xweşa Ronî jibo me şevreşa Bê derman bi dilgeşa Wê korbe çavê dilreşa Welatek wek bihuşte Çiya û zozan û deşte Dijmin ji xwe ra hişte Ji bona me xişte xişte S.Mêrdînî 22.08.2020.

GULÊ HER DEM                 TU DELALÎ Gulê her dem tu delalî Gul stêrka can û malî  Gulê kul darê derda yî Ingirî dev j'min berdayî  Bi xeyda te birîn darim Ji bo eşqa te ez mirim  Nesax ketim ji derdê te Dil razaye dinav kulê te Ez û dil ji xew ra ne bûn Birîn tev bêkew ma bûn Na kewînin birîna min Tune ye gul stêrka min Ez û gul stêrka rebenin Birîn tev ji termê menin Perpitîne di nav derdan Me girtine nayê berdan Girtîne bi wext û deman Qedexe kirî li me ziman Em bêziman çawa bêjin  Jiber wilo em lal û gêjin  S Mêrdînî 27.05.2020

EW KAR          XEZALE Ew kar xezale  Xweşik delale Ew çav bi kile Dil kirî ye kule  Horî û gul perî  Çavên bi hêsirî Hinav limin dirî Wê hişê min birî Rex min rûnişte Rondik çav şûşte Çi xweş dinere Zerî tineye pişte Ahengek rindî Bê şerm û fedî Destê min girtî Bi dilêrek hêdî Em çûn bin sîyê  Li dara berrû yê Wê dîsa nerî yê Navê mi pirsî yê Min bersiv daye  Ez nav seyda ye Gundê min kavil Min war tune ye Min jê pirsî ye Navê  te  çî  ye Bersiva min da Got nav horîye Rûyê bi ken bû Destê mi girti bû Çav limin da bû Deng lê ketî bû Çû xatir xwestî Kenya zû mestî Dilê min xwestî Bi weş û hestî Bi lewaz meşî ya Bi melûl nerî ya Çav hêsir girî ya Dil bi pêt kirî ya Seyda mêrdînî 04//02//2020

DELAL RINDA MIN! Delal rinda min meçe Sebra dilê min meçe  Eşq û evîn pirr xweşe Min  nehile  tu  meçe Delala min çavan veke Tu carek limin mêzeke Herdu çavê min bi girî Bilî te kesî mêze nake Şox û şengê deng bike Dilê xwe ji minre veke Lo dilo çi bi te hatîye  Bi bêje tu şerm meke Delala min bi lez bêje  Derd û kulê xwe birêje  Ez ketim derya evînê Wekî mey xwarê gêje Tuyî mem, ezim zînim Ger saxbim û bimînim Eşq û evîna te jîr kirim Dema ku ez te bibînim Tuyî delal, ezim dildar Ji dest evîn, ez bê war Jîn li min kir tar û mar Dil û hinav hatye xwar Tuyî bedew, ez evîdar Ji bo te dikim zare zar Were rex min rindê yar Li min bibe sî û sitar S Mêrdînî 19.08.2020

GUNDÊ MIN! Heylo gundo dilê mino Warê bav û kalê mino Dijmin em koçber kirino Ey felek,  malik ne ava Gundê min mij dûmane Heval erdal lê mêvane  Neyar girtin dor malane Ey felek,  malik ne ava  Gundê min agir pêket  Gul û kulîlk li ber bêket Dilê dayikan agir pêket  Ey felek,  malik ne ava Gundê min şer dijware Heval erdal lê birîndare Li herder ar û pêt dibare Ey felek,  malik ne ava  Gundêmin tev kavil kirin Heval erdal şehîd kirin Mal û milk me talan kirin  Ey felek,  malik ne ava Gundê min şehîd daye Şehîd  erdal ji rojava ye Bû rûmeta me kurdaye Ey felek,  malik ne ava    S, mêrdînî, 07.09.2020.

BIYANÎYÊ ! Jiyana  min ne jiyane Bi derd û kul û bi jane  Laş ji van êşa pijyane Xerîbîyê ez helandim  Ez helandim vê jiyanê Kerb û kederê cîhanê  Pir dikşînim ez ziyanê Biyanîyê ez helandim  Ser û bin kirim hinavê  Ji mêj ve heta vê gavê Min vê jiyanê qet navê Mişextîyê ez helandim J'van êşa bi derdkêşim Mîna evdalkî dewrêşim J'mêj ez derda dikêşim Koçberîyê ez helandim  Êş giranin ê dî nikarim Ji ber evîna te bi janim  J'bo welat bi xemgînim Penaberyê ez helandim S Mêrdînî 27.08.2020

GER KU EM! Ger ku em li halê xwe bi pirsin. Em ê zû bibin xwedan kursî.  Dema ku em tevde bi tirsin. Nabin xwedî meqam û kursî. Kurd eger ku li xwe ne pirsin. L ku zane, kînin an jî çi kesin. Dema ku em ji neyar bi tirsin. Qet na bin xwedî taç û kursî. Tevde bi gerin li dîroka xwe. Dest bidin hev ji bo gelê xwe. Berhev bikin çîroka jibo xwe. Bixwîn fêr bibin dîroka xwe. Seyda mêrdînî 26/1/20

DELALA MIN. Birh û mijank reş û zirav li ser hevin.  Dîmenê kesk û sor û zer li ber hevin. Ew dikene kesk, sor, zer tev hev dibin. Bihar bi rengê kulîlkan sorgul dibin. Dema ew diqehir û xêlî bêdeng dibe. Rengê wê rind û xweşik û geş dibe. Dema ew deng û sewta xwe radike. Hingiv û şekirê şam ê ji lêva derdibe. Ji min re jî xem û kul û derd vedibe. Seyda mêrdînî 27/1/19

NESRÎN! Nesrîn tu rind û ciwanî  Gula li nav baxê rezanî  Li gel min bibe mêvanî Ji bo dilê min dermanî Nesrîn tu mêvanê minî Li ser her du çavê minî  Tu bi şeref û bi rûmetî Cî xan û wargeha minî  Nesrîn tu pir dûrî minî Tucar naçî ji bîra minî Dil jibo te dem û gave Tu çav reş xezala minî Nesrîn rinda min bêje  Derdê xwe minre birêje Ez ket im derya evinê Bo te bûm kerr û gêje Nesrîn delal li min çikir Dil û cergê min birîn kir Ez kirim wek serxweşa Rê li pêş min winda kir S.Mêrdînî. 13.09.2019

KERBELA! Kerbela ma kes nabînê Huseyin di nava xwînê Kes  tune ye  bike şînê Kerbela bû gola xwînê Huseyinan kujer kirin Serî ji gewdan jê kirin Hezar lanet li yezîdbê Nevîyê resûl jehr kirin Kal û pîra tev hev kirin Derdor li wan pêç kirin Bê nan û bê av hiştine Tev ji birçîna ew mirin   Dengê resûl çima nayê Şêrê   'Elî  li  ku  mayê Herin bêjin zeynebayê Emê  her in  kerbelayê Em bîr nakin kerbelayê Li gerdûn, li ber çavayê Dilda deqek reş lê dayê Kes di gazî ya me nayê Lez bikin yezîd bixînin  Tola huseyna em hilînin Lênûs,pênûsk b'gerînin Bi hûbra sor binivîsînin Bome herder kerbelaye Her dem roja eşûra ye  Yezîdan dîsa al hilda ye Zulmê dikin li hejara ye Lanet li yezîda pir werî Wek baran berfa dibarî Cîh dojeh, çirav û herrî Bişewit di nav pêt û arî S.Mêrdînî 12.09.2017

AXA WELAT! Axa welat bi pê û bibost Dan bi kursî, pera û post  Ji hewler hetanî amedê Pêk nayîne na bine dost  Hûn dikin kom û civînê  Serê xwe pê ve dêşînê Herin mala xwe hûn rûnê  Pêş kêşî karê we nînê  Civînê we gelkî dirêj bû  Serême pir pêre gêj bû Dilê we tijî kîn, qirêj bû Bê tifaqî, tê de dirêj bû   Di civînê, her wekî caran  Jibo cîh û kursî û peran Ji wan gotin û bir yaran Qet tune behsa hejaran Hûn jibo doz hev girtinê Hizbek bese ew bi tenê We doz daye malê dinê Tifaq ketî ye ber mirinê Heçê civînên  bi vî karî Di wê de nîne kurdewarî Mezin dibêjin ehlê parî Ew qet nabînin tu warî  Her çi civînê we girtine  Bê encam û bê bextine Bîr, bawer jê wê avêtine Dîrok bo we çi bibêjine Kurdperwerî ne wek weye Biryarê we ne jibo meye Bo çepên neyarê meye Derdê me hûn bixweye  Kar bi destê vî zemanî  We çi bi serê kurda anî Kurdî tî kirine bazirganî Welat we firot bi erzanî  Ger yekî mafê me gotî Dibêjin wî ziman sotî Sereka welat tev firotî Ling li kurda kirin çotî S mêrdînî, 01,08,2

JI EZMANAN! Ji ezmanan heta erdê, hemû tiştên diwan da Bi destûra xwedayê jor,  tevger dikin tevde tê da. Keko kûr û dûr binêre,  ka tu jî amede ye tê da Çiqas tiştê rind û hêja,  delal d'navbêra wan da. Dibin barê xwedê daye,  tiştê di erd û ezman da Ju emr û zagonê Xweda,  jê dûr nekev virda wirda Xwedayê xwe bibîr bîne,  di her dem û xebatê da Tê bibînî tîrêjên arîkaryê,  li dû hev wê werin tê da Bike şikurê Xwedê daîm,  nebe reben û êsîr tê da Rabe pîya bêje Xweda,  tu rûniştî bêje Xweda S mêrdînî 22/01/2020

EZ BI GORÎ ME! Derd û kulê min welate Dil û cergê min bişewate Ez ferdekî kurdistanim Dil bi êş û jan û birînim Ez dûr ketim ew di dilda Çavê min ma tim di rêda Vena hesim ji ber wî da Dikim circir ji wan derda Ez bi gorî me eya xweda Tu hilde jor ala kurda Lolo, seyda yê jîr û zana Deng gihiştîye asîmana Ji bo kurda hişyar bûne Mixabin hîn dixewdane Ev çend sale ez dibêjim Ez bi heşim ez ne gêjim Ez bi hêzim wek tîrêjim Hêsirên çava ez dirêjim Bi xwedê min te pir heband Neyar te j'destê min revand Bi kêrek ko dilê min çirand Hinav û cergê min kewand S,mêrdînî, 06,10,20

BÊ TOV NABE! Neçînî şûn axê bê tov nabe. Bê xebat û bê cot kar nabe. Dîlber cot kar û tov ne rind be. J wê axê xêr û ber hêvî nabe. Di axê dîlbera xilxilî ya nerm be. Ew dem dîlber bê hêvî nabe. Mirovê bi karê heram xwar be. Nebe nêz wî ger bav û bira be. Bi ava kanîya jînê jî av da be.  Şoraxe li wê kuncî şên nabe. Bi kesên ne rind û hêja heval bî. Mîna axo û tehl û xwîn ezab be. S mêrdînî 24/1/20

BIBE NERM ! Bibe nerm, ji bo ku bibî, bax û werzê, dor bi sinc! Dibînî şûna gul, lê ku şîn dibit, di ax û erda, dor bi sinc! Bi çavê zende, tê binêrî ku, çiqas av nizm, diçe rê da! Dema şûna, ku av gihîştî, jîn û şahî, xweşî tê da! Ew kesê poz, bilind tucar, bilind nabe, tu cîh gehan! Kesê pesinda, d'şûna xwe de, mîna gur rê, li ser laşan! S mêrdînî .... 14/02/20

DI BÎ SOFÎ ! Di  bî  sof î Bi  be saf î  Mebe sof î  Mî na  rovî Xelas  nabî  Bi çivdan ê  Bi rastî gav L' meydanê D'meydana Mirova    yê Sivik   çûne Weke  bayê Çiqas qence Delalên   dil Mîna kanîya  Av zelale dil Hemû nûre  Kemala dil  Xwedî heyî  Xeyala   dil Li  zozan ê Çiyayê cudî Di  gul zara  Daristan de Li   welatê Kurdistanê Bi şerab û Piyala  dil B'xwaze heq Bi bîne heq  Bi xune heq Bi bê je heq Xerîbek pirr Sefer   dûre J'bo heqîyê Xebat ke dil ! S mêrdînî 16/02/20

EVÎN NE BI           ZÊR Û PERA YE Evîn ne bi zêr û pera ye Ne bi derew û vira ye  Evîn bilinde di dilda ye Herdem jibo dildara ye Evîn ne male tu pir bikî Ne qonaxe tu bilind bikî  Ne xwarin û vexwarine Tu zikê xwe jê têr bikî Ê di xwaze evînê nas bike Evîna mem û zînê saz bike J'sîyamend û xecê pirs bike Dildarekî yara wî jê dûr bike Seyda yek ji wan dildara Min pir dî ji destê neyara Dijwarîyek giran bi bara Wan min dûr xistî ji yara   S mêrdînî, 03.06.20

TÊN GOTINA! Tên gotina em yekin  Weswesa dil gelekin. Piranî dibin rovik  Qayîl nabin bi hindik. Dev timî dibê dewlet  Derewan dikin helbet   Bi dev nêrgiz û lalin  Dil de bexîl û kulin Dinêrî dost û yarin Didilde ew neyarin Diçine cem neyaran Dibin benî û heyran. Em xwedî soza xwenin Heta gorê bi werenin Sîxûr zû tên firotin  B çend dirav û gotin. Pirê wan mirîd dikin  Ava tobê l wan dikin. Ne dibin şixul û karî Tim digerin ew l parî. S mêrdînî. 18.11.20

LO DILO! Dilê min bi evîndare Lê bê dost û bê yare Lewma bin dest neyare Tu derd kêşî lo dilo Dilê min bi derd kêşe Her dem nav kul û êşe Kul û derdan di kêşe Tu delalî lo dilo Dilê min pir delale Bê hogir û hevale Ji bê dewletî dinale Tu belengazî lo dilo Dilê min bi birîne Gulîstan pir şêrîne Ji bo wê şîn û girîne Tu feqîrî lo dilo Dilê min pir bi hêze Berê wî tim li hevraze Neyar li pey wî dibeze Tu hêsîrî lo dilo Dilê min bê rêbere Dizîvire li her dere Hêsîrê dest sîxûre Tu bin destî lo dilo S mêrdînî, 21.09.20

MÊRDÎN! Mêrdîn gelekî rinde Mîna xemlekî cinde Li ser lat û zinare Cihek xweş û bilinde Ez gorî me lo dilo Dilê min hero li wiro Ji te pir ez hez dikim Him şev û him birro Çem û rûbar û kanî Cih egîd û şêranî Warê mêr û mêranî Ji bo min nîştimanî Havîna te xweş sare Dijmin wek gurê hare Ser te tim ar di bare Ji dest qirêj gemare Rêka bin xet rex tera Şûnwarê dost û yara Wargeha evîn dara Mexelên berx û kara Xeyalên bêrîvana  Çîroka ser zimana Ji bîr nakim ticara Îro di dest neyara Serhildan tim karê te Geş û qeşeng zarê te Çiqas xweşe warê te Ez gorî me bi navê te Keç û xort mil bi mil Enî bi deq û çav b'kil Li serê çol û çolistan Ceng dikin b'can û dil. S. Mêrdînî. 26.09.20

NETIRSE! Netirse  ji  neyarê xwe, rast be tu bi doza xwe, êrîş  bike  tu wek şêran, bi dirîn dev û lêvê wan, lep bavêje pêxîla wî, tilîya  têxe  çavên wî, Singê  bide  sînga wî, tif  ke  nava  rûyê wî, mafê  te  ji  bo  te rûmet, xelas  bike  ji dest wî, bawer bike b'doza xwe, lê bibe xwedî ji bo xwe, dûr nekeve ji gelê xwe, ey ew kurdê xwe nasî, li hem berî  zulm daran, serî   hilde   wek mêran. Seyda mêrdînî  27//10//2020.

GUNEHÊ MIN Gunehê min wekî ava çemane  Ez rû reş bûm li huzûra yezdane Ji şerma ezê çawa dê herim pêş  Çi bêjim dê çi bikim sed car emane Hevalo tedbîrek ji halê min bibîne   Li ser min barek bê hed girane Her rojek temen ji min diçine  Ditirsim bimirim bê tobe mane Tobe ji vî temenê derbas bûyî  Nizanim dê çend rojê min mane Ya xweda jibo xatirê qenc û se'îda Li ber mir nê tu min bikî poşmane. S mêrdînî 30.09.19

ZIMAN LAL BÛ! Destê sibê min keçik dî bû Çav li xew û li ber derî bû Ber bi wê ve çûm min jê pirsî  Got şeva çû min xew nedî bû Min rind li wê temaşekir Wek horîyek bihuştî bû Aqil û mejî ji xwere vekir Çi qûdretek rehmanî bû  Ketim nav baxê bihuştê Çend lib mindî xelatî bû Ji zêr kember li wê piştê Ezan im neqşê manî bû Bejin dirêj wek sipîn dare    Kiras û şalê mîtanî bû Kihêlek li ser bi zincîre Ji wê pesnê mêrdînî bû Çavê min kevrê xarî bû Rû wek hîva li çar deh bû Tilîyê desta şiva zer bû Dil jimin bir min zanî bû Sed tîr wê li dil dayî  bû Wek şîşek sor pêv danî bû  Çewa bikim ziman lal bû Serî li ber pê min danî bû Çep û rastê xwe nas ne kir Ez di çim ku min nizanî bû  Hezar sal min hûner saz kir  Bi wî dengî çi qûmrî bû   Min ev rista j'şêx re gotî Serî hejand ne razî bû Ku ev pesnê hinav sotî Di jînê da min nedî bû Eger şêx ew keça bidya Wê  bi  gota  çi horî  bû Ewê şaşik ber ba biç ya Çi  şêxe  kî  ser  serî bû Wê demê wê xwe zani ba Agirê  bizot  dil danî bû Rebbê min j