Seyda Mêrdînî

  EZ NABÎNIM! Li biyanî yê ez dinalim Şopa welat ez digerim Min şev û roja heware Rêya lê ger ez nabînim Sîdarekê bîn veda bûm D'xeyalê dîlberê de bûm Xwe dîtim l'çiyayê mazî D'rêça Mêrdînê de bûm Min çav ji xewê vekirî Rondik ji çavê min derî Wek baran, xunava hûrî Bi xemgîn û qêrîn û girî Li hemberî min kalekî Ji min çend pirsa dikî Gote seyda yê Mêrdînî Bo çi ne kêf û xem dikî Lava ji bo te ya Xweda Dilovaniyê bike li seyda Dermanê wî li cem teye Jê dûr bike, kul û derda Rê,şopa welat nîşanke Wî ji biyanî yê xelaske Ji boy xatirê navê xwe Netewa kurd serfirazke S Mêrdînî 22/12/2020

GULA MIN! Gula min gula bîn xweşe Keskesor zer li nav weşe Wê tim l'jor bibilind meşe Li gerdûn ê ew gula geşe Gula min bi reng ê tave Kemera zîv û zêr li nave Dilê'm xwar dem û gave Heval bend ronîya çave Gula min wek ala rengî Pêlan davêje bi çelengî Ser wê ez bûme bengî Lewend û bi nav dengî Gula xweşbêj û bedewe Şor xweşe dengê kewe Wek şîra tirîyê marzone Ew nayê bixeyal û xewe S Mêrdînî 22.12 2021

GER ROJEKÊ .... Ger rojekê ku, deng û sewta min, li bajarê biyanîyê, bimire laşê min, bigirin bavêjin, cobar û gelî yên, çiyayê mazî wisa bihêlin. Ger gava ku hûn, bi xwazin laşê min, hilînin û hildin,  bibin Şemrexa rengîn, tabûtekê çêkin ji darên gûza, seyarekê bigirin, berê wê bidin, gundê kevnar kûra jorî, cîh û wargeha, bav û bapîran, dengê min bikin, ajovanekî seyarê, bi xemlînin sewta min, bi nîşanên seyarevanan, li ser dilê min, hesin, li ser hesin, heyv û stêrk, li ser heyv û stêrkan, ba û bahoz, li ser ba û bahozan, dengê avazên çiyan! S Mêrdînî. 06.12.2019

FELEK ! Payîze qaz û qûling, tev de çûn Pelên dara tev zer, dar tazî bûn Roj li me reş û tarî, wek şev bûn Derd û kul û xem û bextên felek Ger wek xezalê tu pir beza bî Ya wek sîya teyran tu li ba bî Dîsa dîsa xelasî ji bo te na bî Lewma bûme neçîrvan ê felek Şahî û şînên cîhanê deng dane Ji wan re nîne tim mayîn dane Wek kerengê hişk tu baş bizane Eve tiştên li ber ba yê ye felek Cîh nema ye em lê gerandin Per û baskê me tev şikandin Wekî erd hejê em hejandin Eve deng û dolabên felek Çûye payîz hatî ye zivistan Tev de mirîne bax û bistan Temen borî nayê ji destan Eve zagon û qanûna felek Wa hatin gundî ji deşt û zozan Ketine xwarê tev pelên daran Tev da bû li me pêtî û baran Eve mêrg û çîmenên felek Konê porê reş, min cuda kir Çadira pîr û kalî, min li dar kir Wek pişta merxê, min duta kir Deng û awaz û zingilên felek Wa nûbihara ciwanî tev çû Reng û bêhna kulîlka dandû Tev çilmisîn wek gula tî bû  Stûxwarin li ber warên felek Pertav qidûmê me nema ye Bar kirin ji bo me xwîya ye Hêvî

DÎMEN BÊQUSÛRE! Dîlberek min heye gelek delale Xwezayek li sere şewq û şemale Dîmen bêqusûre wek kar xezale Zerî ya dev li kene şox û şepale Kezîyê wê dirêj wek reş marane Diranê lidev wek morî û mircane Heval bendeke bi rûh û cane Awirên wê mêrkuj kujer dizane Tîra eşqa wê laşê min kir birîn Dilê min guvaştî jê nehatî xwîn Eşqa dîlberê ji bo min bû mizgîn Rûyê min geşbû wek gula pelşîn Min bedew nedî ha bi vî rengî Bi vî navê şêrîn li dinê bi dengî Lewend û rindî tim wek çelengî Ez kirim sewda ez kirim bengî S Mêrdînî 16.12.2021

ROJA TE BI XÊR. Roja te bi xêr dîlberê, pîroz be li warê min. Li ser xan û banê min, li civat û eywanê min. Ser darê çiyayê mazî, tu hêz û taqet ta min. Tu bi dewlet û netewî, ronîya herdu çavê min. Tu bi nirx û bi rûmetî, li birc û dîwana min. Li ser sîpanê xelatê, hildaye dil dara min. Li ser çiyayê qerejdax li Amed paytexta min  Li meydana şêxê kal keskesor zer xana min. Li mahabat bi xêr hatî, li qada çar çira min. Li hewlerê deng daye, narîn û nazdara min Çiyayê kurmenc lidare, Li zaxo evîndara min. Ji koban heta qamişlo, li ser kela mêrdîna min. Cûdî w cizîr li ber baye li şaneşîn û birca min Li dîwana mîr nav daye ez b'gorî me cana min S Mêrdînî 17.12.2019

DÎLBERÊ DIHAT .! Dîlberê dihat ji kanîyê Bala xwe dame zerîyê Bejin dirêj tay rihane Diran morî û mircane Zend û bend li hev hatî Sîng sedef sêvên xelatî Çav bikil ebrû bedewe Naz û rinde fena kewe Dev û lêvên hingivîne Kembera piştê zêrîne Nikarim pesnê wê bêjim Bi dîtina wê kerr û gêjim Bûme wekî jar û mestî Li gel dil bûme rawestî Ne li gund û ne li şaran Ne li sûk û ne li bajaran Derdê wilo bê dermane Dev nikare bîne zimane Tîr avêt nava milê min Cerg û hinav û dilê min Bûye jiyan ketî ye avan Find û çira roniya çavan   Bi hebînim ta ez hebim Bi parêzim ta zinde bim S mêrdînî. 17.12.2019

DIHERIKIN! Eşkere ye ku roj bi mijarên hêvîyê diherikin, derd û kulê minî xemgîniyê ji min radikin, ligel şaşî û gunehan ve didin, li ser pêsîra min ve, ji kiftên reş xelas dike, lê hûn li rêyek digerin ku berbi tarîtiya zindanê ve diçe, û min bi tenê dihêle! Seyda Mêrdînî 20.12.2021

CAN GIRANÎ! Niha ez bê te bi tenê me, bi dilê xwe yê sermest û bêhiş, çi ecêb e ku ez bêyî te di gerdûna ku tu tê de yî dijîm. Ger ez destê xwe dirêj bikim, ez dizanim ku tuyê wî hişk bigirî, ger ez li çavên te binêrim, ez ê winda bibim. Ne hewce ye ku ez bibêjim ji te hez dikim, hûn dikarin di bêdengiya min de min fêm bikin! Lê tevî van hemû hejandinan jî, tu li min can giranî! S Mêrdînî 06.12.2021

EŞQA TE. Eşqa dîlber ez xwarim wek pezreşa gur xwirî Jibo wê ez dîn û harim çavê'm bi hêsir û digirî Ev eşq wê min bikujî ger şa nebim bi welat Ez dê bibim pûç û rizî ger dîlber nebe felat Gêrik ketiye laşê min dil û hinavên min dira Hiş û mejî çûye ji min  malik li min bûye xira S Mêrdînî 13.12.2021

MELAYÊ LIGEL             ZALIMAN Melayê ligel zaliman, çima çavê xwe digirî. Hûn jî wek minafiqan, hêla gelê xwe digirî. Xwedê nayê xapandin,  dadmendî jî her wiha. Heger tu ji dil mela bî,  li ser te dibe pirr biha. Kurd girtin kujer kirin,  we tev lê kir temaşe. Dilên we ne şewitî,  hûn jî jêra bûn maşe. Xapandin kurdê hejar,  kirin oldar û çep gîr. Hûn tev şirîkê kuştinê, divê ev ya were bîr. Zeriyê kurda revandin, eva tev bi dilê we bû. Sofîyê bê hiş û nezan,  li gel dewleta we bû. Kurdo em tev şiyarbin,  neyên lîstika neyar. Hov û zalim tev hevin,  her wekî dûpiş û mar.  S Mêrdînî 11.12.2021

KURDINO ...! Kurdino rabin,            zeman tenge. Ar û pêt kete,           dil û cerge. Li ser welate,           şer û cenge. Xebata me,           tev bêdenge. Hov gula me,           çilmisandin. Bi ol û pergal,           em xapandin. Find û çira,           me tefandin. Li binê zilmê,            em civandin. Ji me gazin,           hemû kulfet. Der dora me,           gel û millet. Nêrîna hale me,           gelekî şerme. Ji ber wê em,           man bêdewlet. Ger bizarê xwe,           em bixwînin. Kurdewariyê,           bi cîh bînin Ger tovê jînê,           gel hev biçînin Wek netwan em,           jînê bibînin. Seyda mêrdînî           08.12.2019

KURMÊ DARE. Gerdûn l'me bi pêt û arî  Find û çira kurda xwarî Rojê me bûn şevên tarî Havîn bûye seqem sarî. Rewşa kurdan perîşane  Li bin zor û zehmetane Pev çûna li nava kurdan  Bi dest xayîn û sîxorane Tirş û tahlî ji kurmê dare Li welat reh çûne xware Giya tahl û dar zilindare Tu mecal nadin bihare Jahr dan nav kirin e ole L' me ziwakir çem û gole Serne ketin cehş û hove Dem bê emê hildin hole. S Mêrdînî 04.12.2021

DÎLBERA ŞÊRÎN           Dîlber a şêrîn, ji xwe bihuşte.           Axek hêja ye, tije her tişte.           Parçe parçe ye, bê yar û doste.           Dilxwaz tune ye, maye bê pişte.          Welatek xweş e, her der bihuşte.           Hovan talan kir, tiştek nehişte.           Ji neçarî em, tev bûn biyanî.           Ji bo jîyanek, him gepek nanî.           Kurd li dijî hev, hov û neyare.           Bê kon û bê cîh, bê xan û ware.           Her bijî niştîman, kurdên hişyare.           Min dil bi kule, dil birîn dar e.           Seyda Mêrdînî, 09//11//2021