Seyda Mêrdînî

Bİ GORÎ ME! Tu bi nirx û bi rûmetî, li birc û dîwana min. Li ser sîpanê xelatê, hildaye dildara min. Li ser çîyayê qerejdax, li Amed paytexta min. Li meydana şêxê kal, keskesor zer xana min. Li mahabat bi xêr hatî, Li qada çar çira min. Li Hewlêrê deng daye, narîn û nazdara min. Çiyayê kurmênc li dare, li zaxokê dildara min. Li koban heta qamişlo, li ser kela mêrdîna min. Li ûdî û cizîr liber baye, Li şaneşîn û birca min. Li dîwana mîr nav daye, bi gorî me ey cana min. S Mêrdînî 04.01.2022

EY FELEKÊ! Ey felekê ey dinyayê, Taqet hew tê te nedayê. Bi nezanî çûme hebayê, Zulma li me dawî nayê. Kevneşopê me nemaye, Ne stran li dîwana maye. Ne pale û mêvan maye, Ne şivan û gavan maye. Kêf û xweşî ji bo mîran, Ji bo maldar û wezîran. Beg û axa ta zengînan, Êş û elem ji bo feqîran. Jiber wê ye min heware, Min fîxan û qêrîn û zare. Zordar timî dest bi dare, Li mazlûma zulm dibare. Feleka xayîn bê wefaye, Tîrek dijwar dilê'm daye. Cerg û hinav birîn maye, Ev ne mafe û ne rewaye. Felek çima li me bi kîne, Ji dil diçe wek şet xwîne. Min û dîlber jînek hebû, Hawir dora ew mînakbû. Ligel zarokan evîn hebû, Xewn û xeyalê me hebû. Ew xeyal firî çû ezmanî. Li welat mame perîşanî. Bûm sewî ye mal wêranî, Qîr û hewara'm diçe banî. Birîn kûre ji derbê çekan, Bi xemgînî ez van yekan. Hêsir ji çav nabe sekan, Wek kanîya bûye mekan. Erê felek zordar bi qestî, Çek û qirme timî di destî. Bi stemkarî bivî helwestî, Karê zulmê gîyaye hestî. Xwedê kesê sîxor dizane, Destek bişûr yêdin qûra

EFRÎNA BEDEW. Yên ku te êşandin bila li her du cîhana rûyekî rihet nebînin, dê rû reş bibin efrîna bedew .... Bikene, bişirîne, bilîlîne da ku bi hezaran gul li rûyê te bibişkivin. Baxê gul û kulîlkan, evînê ji koma gula, berhev bike. Dê gul di kêf û evînê de bibişkivin efrîna delal .... Ger gul bûkik bide, dê evînê belav bike. Hûn bieşq lê binerin dê gul bi geş bibe. Bi geş bûna te, emê kêfxweş bibin, efrîna rengîn .... S Mêrdînî 09.02.2022

EFRÎN ...! Hêlek deşt û yek zozane Şivan bi coşe bilûrvane Colê mîha û pez reşane Xwe berdaye ser danane Bara bara kar û berxane Çinge çinga silê bêrîvane Şîr didoşin jîn didin jiyane Pêre difirin teyr li ezmane Efrîn bi ax û bi lata sore Xwe hil dide ber bi jore Deng dide li hawir dore Kela li ser dê bi bandore Koşk û eywan şaneşîne Zevî ji kûlîlka dixemlîne Xweş xuyaye wekî here Ka binêrin çi qas şêrîne Deşta amûkê cihek dûze Darê zeytûna serde qûze Em temaşekin li bedewê Bi hinar û zeytûn û gûze Çîyayê kurmênc gelî kûre Her tim lê tê bayê kûrre Jiyana wê gelekî xweşbû Warê pîroz bi xem û zûre Seyda Mêrdînî                 11.02.2022

YARÊ NABE! Bejina yarê ji spîn darê Zar hingivê gundê darê Êdî bes e te ez kuştim Bi vê totêl û xemxwerê Nabe nabe yar ê nabe Eşq û vîna te jibîr nabe Yarê derket ji mêrdînê Ez jibîr nakim te şêrînê Parsûyê min şikestîne Kes tuneye bicerbirînê Nabe nabe yar ê nabe Eşq û vîna te jibîr nabe Rindê derket ji nisêbînê Ji bîr nakim xemrevînê Dil û hinav tev bisotin Kes tuneye wan bitefînê Nabe nabe yar ê nabe Eşq û vîna te jibîr nabe Seyda Mêrdînî                11.02.2022

_/DIL JI MIN BIR\_ Delalê çend salî ye Stûyê te bi morî ye   Lingê te xir xalî ye Dil ji min bir delalê   Porê te yê bi xelekî Çavên te reş belekî Wek perîyan rindikî Dil ji min bir delalê  Dilê min dike nalîne Çavan hêsir barîne Laşê min bûye arîne Dil ji min bir delalê  Di van şevê reş tarî Min dikujî bi harî  Bi awirên teyî diyarî Dil ji min bir delalê Çira maçek te neda  J'min ingirî te bazda Dil û cergê mi bada Dil ji min bir delalê  Seyda mêrdînî 13//03//2020

KURDIM Ez kî me ha ez kî me Kurdim kurdistanî me Divêt dewlet ava kim Bi deng û ez bi navkim Xwe bi gorî û fîdakim Ez Ala rengîn li bakim Ez zanim bar girane Çi bikim gel nezane Ezim li qad û meydan Rêberê egît û merdan Egîtek wek min nîne Wekî min kes nedîne Wek piling û wek şêrim Li hemberî sed mêrim Gava ez şûr dikşînim Ser ê dijmin difirînim Bû hewt hewta sîxoran Bûye şinge şinga şûran Çek û qirme li meydanê Dibarê wek tavê baranê Ez kurdistan felat kim Ji gelê xwe re xelat kim Bi destûra xweda be Dê welatê min ava be Her wekî hemî milet Ez bibim xwedî dewlet Ez biçim koma miletan Li gel hemû dewletan Ez bibim xwedîyê morê Li hemberî zulm û zorê Da ez nebim belengaz Ne pepûk û ne jî baz Ez kurdîstanê bi bûkkim Kurd li welat bi zavakim Seyda Mêrdînî 22.09.2021

LI MIN KOM           BÛNE ZALIM Ez Niştîmana delalim Bi cobar û newalim Çîya û deşt û zozan Bi celeb û ber palim Şox û şeng û şepalim Keşkesor zer xirxalim Ez wargeha kurda me Jibo wan sebr û halim Bi teht û lat û zevî me Ez ciwan û sipehî me Rinda tev cîhanê me Bo kurda xwe malî me Bedew û çav xezalim Wek elend û şemalim Next û qelenê'm biha Ez nazenîn û delalim Lewend sîma kejalim Bi gul û kûlîlk û lalim Dîlbera bi dilovan im Ez dirûst û dil zelalim Ez siwarê bi kihêlim Bê şûr û bê mertalim Ez bilbil şalûlek hejar Bê per û bê çengalim Ez birîndar û bê palim Bi derd û kulê çar alim Li ber gûlên dijminan Bi zarezar û bi zevalim Ji derd kulê zordariyê Sêwî me li vê dinyayê Dijminan ez kuşti me Bi tanq û bi bimba yê Ne sax û kerr û lalim Bê azad tim dinalim Ez parçe parçe kirime Şev û rojan jîn tehlim Bê hedar û pertalim Bi nalîn û gal galim Wek kesên dayik mirî Bê xwedî û damalim Bi hêrsim bi xeyalim Ez li dîrokê celalim Destê min pir dirêje Bi xwedî sînor û alim Ji xema pîr û kal i

 _____//NISÊBÎN\\_____ Rindê bi baxê sorgula ye  Hêlîna bilbil û şalûla ye Sebra dilê keç û xorta ye  Nisêbîn cewherik biha ye Hene pez kovî û xezale  Cîh û warên bav û kale Ava spî şev û roj dinale Nisêbîn bi nêrgiz û lale Nazenîn û eşq û evîne  Xweş bihara bi rengîne Bi darber zevîyê zêrîne  Nisêbîn delalek şêrîne  Cîhek bi deng û bi nave Çem û robar û bi sûlave Mêrg û çîmen û delave  Nisêbîn bi dayik û bave  Rex qamişloka gulgulî Çiya derdor hev difitilî Şa'îrên wan deng bilbilî  Nisêbîn bi gazin û gillî Deng rindî şa'îrê hozan Bimeşine deşt û zazon Berevkin gul û nêrgizan  Belav kin li xort û qîzan Bêhn ji misk û emberan Ciwan tevbûn wek biran   Tevhev kir cîhana xopan  Soz dane wekî şer geran Seyda mêrdînî 10,03,2019

EZ BI ZAROKTÎ. Ez bi zaroktî, ez pir dilpak bûm. Ez dil nerm û ez dil germ bûm. Xort û ciwan, xulam kar bûm. Temen bû sîh ji kar sar bûm Ez mezin û ez can giran bûm. Wekî gêjan li hev geriya bûm. Bi tirs danê ez gurê har bûm. Bi kovan û nefis şikestî bûm. Wekî gewriya marê rast bûm. Bi nutq û peyva tarûmar bûm. S Mêrdînî 04.01.2020

EYA MELA! Bê dengî tu bi vî rengî, li gerdûnê eya mela Bo te em qîr û heware, ji ber wê ye eya mela. Ger newêrî rastîyê bêjî, tu ji bo çiye eya mela?  Ji bo sûdê bêdeng dibî, li gel zalim eya mela. Me soz daye Rebê jorî, li dijî zulmê eya mela. Dîlber ê pir bi xemgîne, sedem tuyî eya mela. Qisawet bike ji axretê, mirin heye eya mela. Ji wê bigire hûn şîretê, dil paqij be eya mela. Tu jî wekî min diçî axê, li vê qonaxê eya mela. Tu bi xalî diçî ewê taxê, bi çîtik kefen eya mela. Dilgiran nebe te ro dûre, dûrî rastî yê eya mela.  Gor tarî ye teng û kûre, dûpişk û mar eya mela. Mişk û kurmik û kêzik, tên hicûmê eya mela. Ew dê canê we bixun, hev parvekin eya mela. Dibî xwarin jibo morî ya, gel dûpişkan eya mela. Çendê qîr û bi hewar bî, kesek nayê eya mela.  Hemî çûne ew bav û kal, dîlber nedîn eya mela.  Hûn bibin wek ava zelal, bo gunê wan eya mela. Ji bona tobe ne derenge, pir zûtir bike eya mela. Netewa kurd kirin dengî, di vê rêda eya mela. S Mêrdînî 22.12.2021