Seyda Mêrdînî

ÇIZBIKIM !.... Dil wek ava zelal nebe Hiş û mejî gelhev nebe Zimanê dê li dev nebe Çibikim ji vê devkanî yê Dil wek şûşê xalî nebe Deriyê eşqê ger venebe Ger dil, ji dil kurdî nebe Çibikim ji vê kurdîtî yê Çendê mal û milkî hebe Ax û hebûn bi tezgehbe Di xizmeta netew nebe Çibikim ji vê netewî yê Zarê şêrîn di dev nebe Bi gorî û heyran nebe Wek feqîyê Teyran nebe Çibikim ji vê heyranî yê Eşqa Dîlber ji dil nebe Deriyê vînê ger venebe Zarê dijmin şorên tebe Çibikim ji vê ştexelî yê Ger kurdekî perwer nebî Gel zarê xwe bi kar nebî Ew zar der û hundir nebî Çibikim ji vê perwerî yê Tu dibî wek das û bivirî Reh ên dara xwe dibirî Dil wek liba zerdel û tirî Çibikim ji vê şêranî yê Ziman mirî kurd dimirî Xwe bi zarê biyan digirî Tu çilo kurdek dil kevirî Çibikim ji vê dil hişkî yê Zelal ava şerbik nebî Li kurdistan nasî nebî Wek Seydayê Kûrî nebî Çibikim ji vê seydatî yê S Mêrdînî 25.12.2022

 انا لله وانا اليه راجعون 🥲🤲 XALÊ HECÎ NÛRÎ .... Xalê hecî Nûrî hevlekbû Gelek hêja û delalek bû Ji hogiran re şepalekbû Ya Reb li bike rehmet ê  Welatparêz û perwerbû Gelek mêr û bi cegerbû B'gundiyê xwe bawerbû Ya Reb lê bike rehmet ê  Bi qedir şînas û hêjabû L' şar û bajar û gundabû Li daw û şah û bendabû Ya Reb lê bike rehmet ê  Me bawerî pir pê hebû Xwarî gel wî, qe tinebû Pir durist û yek parçebû Ya Reb lê bike rehmet ê Te sistayî qebûl ne dikir Kar û xebat te zêde dikir Ji gundiyan re rê vedikir Ya Reb lê bike rehmet ê  Keder û xem te kom kirî Li me dom bar giran kirî Pir heyf û pir melûm kirî Ya Reb lê bike rehmet ê  Lerz û tevger bi mêranî Te wezin dida her însanî Te bawerî bi lerzê di anî Ya Reb lê bike rehmet ê  Xweda l'Nûrî neke pirsî Ji Mêrdîn ta erş û kursî Ji xwe ez dinav wê tirsî Ya Reb lê bike rehmet ê Pirsa bin wê qebra tarî Ew nezanên xwelî serî Ji ber wê derd û kederî Ya Reb lê bike rehmet ê Gora tarî ji wî re mekan Neçar li wê di bin sekan Mûnkîr, nek

WESTÎYA ME .... Demên winda yî. Ez bi dengê çivîkekê bi xwe hesîyam. Aheng di guhê min de deng vedide, wek baran û xunava nîvê şevê dibare. Ez mişextî yê welatekî qedexe me. Ez vêga erd nîgariyeke ku helbesta wê hatiye qetilkirin. Her car bêhna mirinê tê. Ez êdî ji mirinê têr û westiya me. Î şev xewn, xeyalên min şikestin e. Çermê laşê min cuda ye, canê min di tengahiyê deye. Gelo ma mirov li erdê dişewite? Dema ku laşê min dişewite, laşê min sar e. Xebera peyvên zirav di tenêtiya min de belav dibe. Gelo kî dizane min di tariya şevê de Min çend qêrîn, hewar kiriye? Êdî guhên min nabihîzin. Canê min bi giraniya bûyîna dinê diperçiqe. Ew dawiya hemû rêyan bû. Dengek di hundurê min de derbas dibû. Digot: neçe bimîne, neçe bimîne! Bêdeng bûm, bêdeng kirim. Niha ziman lal e, guh kerr e, çav kor e, laş westiyayî ye! Seyda Mêrdînî 28//12//2017.

BIŞAVTIN .... L' Kurdistana delal agir dibare Zulm û zor qedexe li ser zare Ziman biyanî me kir tarûmare Nameşe ziman çewt û xware Bişavtin bûyîn ziman dikuje Dil birîndar dike xwîn jê dirije Zimanê me diqede mejî dirize Ev bişavtina ha kurdan dikuje Ziman helî ya çi sûc û sebeb Li me hatin hev bi kîn û kereb Taybetî Bakûr bûye wek eceb Zar dimire bi şorê tirkî û ereb  Ger em zimanê xwe bikin geş Dê bibe rohnî ewan şevên reş Temen tev bidin xebatê xweş Dê rizgar bin ji wan ewrên reş Gelî xwişk û bira min j'we hêvî Ev xebatek pîroze bi roj û şevî Têne me êrişê ajalên pez kovî Gur û wawîkê gel keftar û rovî Laşê me xwarin ewan roviyan Li derûdor nema cihê hêviyan Ziman ê Kurdî tev bûye ziyan Ê dî li gundan zar nakin jiyan Seyda Mêrdînî 07.11.2021

AWIR KUŞTIM .... Gul perî ye yan meleke Yan zerî ya çav beleke. Xweda sebrê bide min, Ji bona dil gumîn neke. Zeriyê wilo min nedîbû,  Gul perîya yekem ev e. Şêw û sîma bê qisûrbû, Ew ê li gel çav û dev e.  Gerdena wê zêr û zîve, Ti çav nikare jê bi rev e. Raman û xewl û xeyal,  Ew horî û ferîşte tev e. Balkêşe bi rengê cuda, Bi helbestên dike seda. Tîr avête dilê min neda, Dil û cerg jibo wê feda. Awir kuştim birîn kirim, Dil û hinav bi xwîn kirim. Hewceyê bijîşkan kirim, J'eşq û vîna wê dimirim. Bûme bengî ser wê zerî, Ew horîya xweş çelengî. Dabû dinyê ronîya rojê, Şewq û şemala bi rengî. Ev ne xewn û ne xeyale,  Li ser dîlber mame bengî. Ji wê şewq û wê şemalê,  Gerdûn bûye renga rengî. S Mêrdînî 12.04.2019

 JI XWE PIRSÎM .... J'xwe pirsîm got çima,  ez bendekî bê navim. Ji ber ku dewlet nîne,  him bê roj û bê tavim. Min dest vekir û di'a kir,  gotim ya Reb li vê dinê. Dîl û bend li tuder nema, bin dest mane em tenê. Paşnavê me bi tirkî ye nav û tevger bi erebî  Zimanê me qedexe ye  me ne bawere ya Rebî Sê hirç li me hatin hev êrîş kir wan wek gura Netew kirin çar perçe  tev lî xwişk û tev bira Ger em nebin netewek li me xayin be ev felek Dinya hemû dewletin  divêt ji bo me jî hêlek Ji wan derda Şêx Seîd  Barzan û Riza Seyîd Şêx maşûqê Xeznewî  bêeman kurdbûn şehîd Xweda yê ez bi qûrban ka meyzêne rewşa me Em bindest û perîşan  lê xelk dixwe malê me Em nikari bêjin bas e tu her tiştê me dizanî Ev koçberî û ev jeosîd  li me bo ye bargiranî Jibo çi bextê me waye bê xwendin û nezanin Em bin dest û kolenin ji ber wê ye em xizanin Bindestî li dinê neman  bende mane em tenê Zarokê me tev birçîne bi hezîn bê kêf û kenê S Mêrdînî 12/07/2022

 EY FELEKA XAYÎN. Hezarê salan e           ev barê giran Seyê me bûn e           hevalê guran Dil û cergê me            bi dev û diran Wan em xwarin            gel hirç û guran Ey feleka xayîn            dewran bêwefa Bextê me reşe            li gel êş û cefa Şemal nemaye            find li me tefan Dûpişk û maran            ser sîngê sefan Jiber nezanîyê           ez mame bêyar Min birîn kûrin            birîn pir xedar Nav gur û keftar            ez mame bê çar Sê netewê xerîb            ez kirime neçar Niştîman dagir            li hev kirin par Li me qedexeye,            bûye çand û zar Ji ber ewê ye            me qîr û hewar Di warê me da            me nakin sitar Evî ya ne mafe           kotek û zor e Xwedanê mirî            her timî kor e Ser me ar û pêt            dûman li jor e Serxet û binxet            tev xistin tor e Me bang kir Îsa,            Muhemmed nebî Qêrîn û zarîn e           hewar ya Rebbî Ji bo me mafek            zagonek hebe Qewmê Îbrahîm            da wenda neb