Seyda Mêrdînî

_______/QESÎD E\______ KA WERIN HA KA WERIN Ka werin ha ka werin Hemû tev dost û yar Em pir bikin şîn û girî Bo şêx masûmê kubar.   Ka xuyê gotar û galgal ê Ew çû wargeha bihuşt ê Derd û kulan li me barkir Em hiştin di nav hisret ê.   Bi hisreta şêxê kubar e Dil û ceger kir pêt û ar e Ji ber nakin qet debar e Pir dibînin renc bi bar e.   Kanî şêxê dîwana zikir Di laşê me de birîn vekir Pir bûn di dil tîra kevan Dil û hinav tev hûrdikir.    Kanê kulîlka baxçê îrem Gihaştî ji me ku bû edem Dê em ji kê hewar bikin Teqdîr jî ji mêj de qelem. Navê rûmet û zî neseb Şêx Masûm ê enwerî Gul û rihana qelbû dil Nabe xwîya sîma perî. Husn û cemal bê mîsal e Qedr û qîmetê dê delal e Çeşmê sîyah gerden xefîf Naçe j'me raman û xeyal e.   Esl û fesil pir ji Şerîf e Gewhera dur û sedef e Şêx Masûmê kêl enber e Bûye metfûn pir telef e. Ew zanyarek ‘alî meqam Xwedî çand û pir hunerî Zî nîsbetê feyzê bîlal Ew meş’ela behrû berrî.   Derman ê derd û birînbû Pêşî û talîyên her ‘îllet ê Distîne bi çav bîn

BîST Û YEKÊ ADARÊ8 Bîst û yekê adarê hat, bo ciwanê gewr û boz Gelî kurdê niştîmanî, dikim cejna we pîroz. Î ro cejna me kurda ye, kawa nav danî Newroz De govendê ka li darxin, bikin dîlan û terp û toz. Li her derê em xuya bin, wek bayê pêşî bi bahoz. Nerm wekî şiva benav, hişk bin wekî dara gûz. Da ku neşkîn in katê, ba û bager û bahoz. Kawa çû qesra dehaq, jê stendî ye tol û doz. Bo me egît û xweşmêre, ser çiya di çeper û koz. Dest bidin hev bibin yek, bi hev re em bikin doz. Bi ceng û şer û bi xebat, şoreşgêr bi ceger û soz. Ser çiyayê sîpan û xelat, Dêrsim, Amed û zagroz. Guh nedin em li peyvê, mejî zingar û ker boz. Mafê xwe her bixwazin, bi tîr û kevanên rû boz. Emê ala xwe jorve hildin, ji niha ve em didin soz. Ewê her tim dê bi jor xin, xort û ciwanê wek moz. Emê rê ji bo we restkin, qad û hol tev bikin dûz. Li Qamişlo û mahabad, Hewlêr û Mêrdîn li poz. Em nahêlin hûn bimînin, di bin bar de bi pişt xûz. Nahêlin jar û dîl bibin, li dijî dijmina serî kûz. Hetanî ku hûn bigîhên, r

NEWROZA ME 1 .... Newroza we pîroz be, li gelê kurd û kurdistan Bi hêviya serxwebûnê, ji bo kesen bin destan Em aza û serbest bijîn,  tevdê bend û rûhberan Însan tevî dadmendbin,  bibin wek pêxemberan Hemû rûhber azad bin, kurm û kêz,mûr û mara Biçûk û mezin gel cina, tevdê ajala tilûr û teyra Gul û nêrgiz dê geşbin  her der bibe gulistan Milet hemî dewlet bin  tevlî kurd û Kurdistan Dadmendî ya b'rastîbe wek Muhamed Qazîbe Her ferdek dê azad be  gelê kurd serbixwe be Ger ez mirim nebînim  biçim gorê û qebristan Werin ser gorê bibêjin  azad bûye Kurdistan Dê rûhê min şad bibe  li gel mizgînî ya pîroz Wesyeta min bîrnekin  bidin min danîn û soz Seyda Mêrdînî                     21.03.2018 NEWROZ 2 .... Lo dilo rabe bihar e Eman dilo çi sar e Dilo xew ma nebes e Newroz hate bihar e Bist û yekê adar e Nêrgiz û gula bihar e Ji bo xorta sitar e Newroz hate bihar e  Îro nabêjim dil jar e Hêvî ya me bihar e Mila hild agir dade Newroz hate bihar e Gul vebûn li warê me Çare dîtin ji derdê m

BEJIN DIRÊJ .... Bejin dirêj wekî dehlan  Fîstan ji rengê sorgulan Por bi hine berda milan Agir dixe ceger û dilan. Kiras li ba pêlê deryan Yarê bedewiya zerîyan Li ber avê dike seyran Ew delala wek horîyan. Zerî rindê bi xeml û xêze Dew dikeyîn bi hiş û rêze Bi kêrhatî meşk himbêze Fîstan difûr berba dilêze. Carek binêr hey dîlberê Li sîng birîna bi xincerê Were destan bide serê Derman bike êş û kederê. Da bi hêz ez rabim piyan Ligel te ez li dirb û riyan Gûr û geşbe hêviya jiyan  Jîn li me boy nebe ziyan. Seyda Mêrdînî 24.03.2022

BI VAN HELWESTAN? Yaşar efendî b'van helwestan Gelo çi hebû te li ber destan Pênûs nivîsand te bêrawestan Te jî suxre kir ji bo serdestan Ji bo gelê xwe te suxre nekir Te dil û ceger ji bo tirkî vekir Aqil ji bo wê te perwerde kir Ew b'te xweşbû wek şîr û şekir Zulm û zordarî li kurdên feqîr Ne te ew bihîst ne jî hate bîr Qet li dilê xwe we nedî ew tîr Nabe bêdengbin kesê wek te jîr Ji bo Niştîman te nekir xizmet Ji dest dihatî te karî bû helbet Çima li cem te nebû ew xîret Kesên tirsonek nabîn bi rûmet S Mêrdînî 06.04.2018

ÇAR PARÇE .... Çar parçe yek bin,      hev karê hev bin. Xwîşk û bira bin,       rohnî ya şev bin. Bi felsefe ya xanî,      zelal bin wek kanî. Qazî muhamedbin,      ligel serok Berzanî. Wek Elî yê şêr bin.      ligel seyidriza bin. Şêx Ebdûsselam,      wekî şêx se'îd bin. Ger helbestvan bî,      wekî feqîyê teyran. Ligel ceger-xwîn,      şahîr bin heyran. Ger can gorî bî,      bibin peşmerge, Ji bona kurdistan,      li xebat û cenge. Ger nivîskar bî,      wê hibr û qelem Da eşkere bike,      nebe tune û elem Her gel û netew,      xwedanê dewlet. Ser erd û bin erd,      wê çê be serwet. Ger kurdîstan çêbe,      dewletek mezin. Ger nebyek parçe,      wê bimînin hezîn S Mêrdînî 21.08.2021

Êla Sûrgiçî Bavê min Emo Cilînî di yekemîn serdana Mîr Celadet Bedirxan de, ji bo li ber destê wî hînî xwedin û nivîsandina Kurdî bibe, Mîr jê pirsî: tu ji kîjan Êlê ye li bakurê Kurdistanê, jê re got: ez ji Êla Sûrgiçiya me, Mîr gote wî: navê Êla te (Şûrkêşanî) ye , ev Êl bi du şîaxa ye, yek ya serke li başûrê Kurdistanê ye, Osmaniyan navê (Sûrçî) lê kirine, şaxê din li çiyayên bakurî Mêrdînê ye, û Osmaniyan navê (Sûrgiçî) lê kirine. Li gor lêkolîna ( Êlên Kurd di Imperatoriya Osmanî de) ya Mark Saykis, yê yek ji sazkerên peymana Sayks-Beko bû, ya belav kiribû di Kovara peymangeha Şahatî Anthropological, qaba (38)an, sala 1908an, û wergera Dr.Xelîl Elî Mirad, û pêşgotina Dr.Abdul Fetah Botanî, weha nivîsandî ye: Hejmara Êla Sûrçî (3000) malbatin ji wan (1000) malbat koçerin, axiftina wan weke axiftina Babaniyane, bi ser wê ve jî Êleke biçûk bi navê Mamikî heye,û hejamara Êla Şûrkêşlî (900) malbate,axiftina wan nêzî axiftina Babaniyane, em dikarin wê bi Êla Sûrçî ve girêbidin. Ev goti