NEWROZ.....

NEWROZA ME 1 ....

Newroza we pîroz be,

li gelê kurd û kurdistan

Bi hêviya serxwebûnê,

ji bo kesen bin destan

Em aza û serbest bijîn, 

tevdê bend û rûhberan

Însan tevî dadmendbin, 

bibin wek pêxemberan

Hemû rûhber azad bin,

kurm û kêz,mûr û mara

Biçûk û mezin gel cina,

tevdê ajala tilûr û teyra

Gul û nêrgiz dê geşbin 

her der bibe gulistan

Milet hemî dewlet bin 

tevlî kurd û Kurdistan

Dadmendî ya b'rastîbe

wek Muhamed Qazîbe

Her ferdek dê azad be 

gelê kurd serbixwe be

Ger ez mirim nebînim 

biçim gorê û qebristan

Werin ser gorê bibêjin 

azad bûye Kurdistan

Dê rûhê min şad bibe 

li gel mizgînî ya pîroz

Wesyeta min bîrnekin 

bidin min danîn û soz

Seyda Mêrdînî

                    21.03.2018

NEWROZ 2 ....

Lo dilo rabe bihar e

Eman dilo çi sar e

Dilo xew ma nebes e

Newroz hate bihar e

Bist û yekê adar e

Nêrgiz û gula bihar e

Ji bo xorta sitar e

Newroz hate bihar e 

Îro nabêjim dil jar e

Hêvî ya me bihar e

Mila hild agir dade

Newroz hate bihar e

Gul vebûn li warê me

Çare dîtin ji derdê me

Xelas êş a canê me

Newroz hate bihar e 

S Mêrdînî, 19,03,2019

NEWROZ 3 ....

           BO ME BÛ STAR

Newroz ê tu bi xêr hatî

Li ser ser û çavan hatî

Ji boy me kurda xelatî

Kêfbin bi xwişk û biratî

Hêvî ya xorta ev bihar

Newroz bo me bû star

Ciwan tev li hespê boze

Lehengê me wek moze 

Li ser dijmin dikin toze 

Bi şer û ceng û bahoze

Hêvî ya xorta ev bihar

Newroz bo me bû star

Ser teht û lat û zinaran

Cîhê kavil û nav wêran 

Binê ban û li ser banan

Li nava gund û bajaran

Hêvî ya xorta ev bihar

Newroz bo me bû star

Roşan pêxistin li deştê

Dengê kurda çi xweştê

Hemberî hov û neyara

Bi şahî, seyran û geştê

Hêvî ya xorta ev bihar

Newroz bo me bû star

Bi dengê şalûl û bilbila 

Bejna wan dirb a dehla 

Dikin reqs û dîlana mila

Li warê vîn û evîna dila

Hêvî ya xorta ev bihar

Newroz bo me bû star

Sîma bi geş ji rengê alê 

Kesk û sor û zer li qadê 

Ez heyrana bejin û balê

Zenda li badin ar dadê

Hêvî ya xorta ev bihar

Newroz bo me bû star

S Mêrdînî 18,03,2021.

CEJNA KURDAN

                BI XÊR HATÎ 4...

Bîst û yekê adarê bixêr hatî

Li Kurdistan û li vî welatî

Ji bo Kurdan xweş xelatî

Cejna Kurdan bi xêr hatî 

Newroz bihar bi xwere anî

Kêf û şahî li her der ê danî

Xemiland deşt çiya û banî 

Cejna Kurdan bi xêr hatî

Newroz hat serser û çava

Berf helî ya ber çem û ava

Li her der ê tê bîna gulava

Cejna Kurdan bi xêr hatî

Li herderê geşt û seyran e

Ev cejna a hemû kurdan e

Eşq û evîn xistî ye dilan e

Cejna Kurdan bi xêr hatî

Bilbil dike hewar û fîxan

Li nav baxçe li ser gulan

Herder ê agir tê te dadan

Cejna Kurdan bi xêr hatî 

Herder şînbûn ji bizbizêka 

Ji bêhna berfîn û şekiroka

Ji keç û bûkên dev kenoka

Cejna Kurdan bi xêr hatî

Îro cejna Kurda Newroz e

Bo me kurda daw û doz e 

Rojeke pir bi nirx û pîroz e

Cejna Kurdan bi xêr hatî 

Li deşt û çiya û zozan e

Qor bi qor agir dadan e

Keç û xort dikin dînan e

Cejna Kurdan bi xêr hatî 

Keç û bûk bi kiras û fîstan 

Ciwan b'şal û şapikê xortan

Her bijî Kurd û kurdisatan

Cejna Kurdan bi xêr hatî

S Mêrdînî 22.03.2022.