QERSA DELAL!

QERSA DELAL!

Qersa delal birîndarî,

li rewşa xwe bipirse.

Doza xwe bibe xwedî,

ji dijminan netirse

Ronî û zelal wek avê,

ji doza te xuya ye

Li herema serhedê,

li ser lat û çiya ye

Qers ne cîhê romaye,

çima li ser te dilîzin

War û axa kurda ye,

çavê wan lê bidizin

Qers bihuşte tu zanî,

ji hizba xwe tu mayî

Kek Ayhan pehlewanî,

li kurdîstan xuyayî

Gel ji bo te li meşe,

bi êş û dil birîne

Derd û kula dinoşe,

melûl û xem civîne

Birîna te pir girane

yekîtî ji tere dixwaze

Lewma dikin ziyane,

dijmin wisa dixwaze

Law û keçên te girtin,

hikumdar û sitemkar

Birin zîndan pijandin,

hin bindest û hin berdar

Bese di xew bimîne,

wek gernasa xuya be

Tola Qersê em hilîne,

bi rengê lat û çiya be.

S, mêrdînî 01.10.20