EM JI XELKÊ RE ....
EM JI XELKÊ RE ....
Em ji xelkê re bostan in,
Em ji xwe re çolistan in.
Em ji xelkê re gulîstan in,
Em ji xwe re goristan in.
Em ji xelkê re devkût in,
Em ji xwe re devşût in.
Em ji xelkê re xêrxwaz in,
Em ji xwe re ne xêrwaz in.
Em ji xelkê re xwe qij dik in,
Em ji xwe re tev şer dik in.
Em ji xelkê re şûr, mertal in,
Em ji xwe re dergevan in.
Em ji xelkê re stû xwar in,
Em ji xwe re dûpişk, mar in.
Em ji xelkê re ceger sot in,
Em ji xwe re welat firot in.
Em ji xelkê re gayê nîr in,
Em ji xwe re beg û mîr in.
Em ji xelkê re dost û yar in,
Em ji xwe re tîre mar in.
Em ji xelkê re av û şîr in,
Em ji xwe re rim û şûr in
Em ji xelkê re pisik in,
Em ji xwe re dûpişk in.
Em ji xelkê re xerat in,
Em ji xwe re malmîrat in.
Em ji xelkê re sor û zer in,
Em ji xwe re dinya der in.
Em ji xelkê re find û şemal in,
Em ji xwe re dawdê şekal in.
Em ji i xelkê re zîv û zêr in,
Em ji i xwe re şêr û mêr in.
Em ji xelkê re masî gir in,
Em ji i xwe re kosî gir in.
Em ji xelkê re cî û war in,
Em ji i xwe re erda sar in.
Em ji xelkê re dengbêj in,
Em ji xwe re kerr û gêj in.
Em ji xelkê re wek şepalin,
Em ji xwe re l'nav şekal in.
Em ji xelkê re xweş xerat in,
Em ji xwe re malik mîrat in.
Em ji xelkê re nêrgiz û gul in,
Em ji xwe re kovan û kul in.
Em ji xelkê re rê zan in,
Em ji xwe re rê nizan in.
Em ji xelkê re baran in,
Em ji xwe re teyrok in.
Em ji xelkê re hêkan dik in,
Em ji xwe re zelqan dik in.
Em ji xelkê re evîn dar in,
Em ji xwe re zilin dar in.
Em ji xelkê re pir bêj in,
Em ji xwe re şêt û gêj in.
Em ji xelkê re wek hevîr in,
Em ji xwe re wek kevir in.
Em ji xelkê re tim dil dar in,
Em ji xwe re hov û neyar in.
Em ji xelkê re kew gir in,
Em ji xwe re çivîk gir in.
Em ji xelkê re mîna ga nin,
Em ji xwe re mîna golik in.
Em ji xelkê re melhem in,
Em ji xwe re tûj kelem in.
Em ji xelkê re tim jîr in,
Em ji xwe re tim kwîr in.
Em ji xelkê re beranqoç in,
Em ji xwe re ga qiloç in.
Em ji xelkê re qeraş, aş in,
Em ji i xwe re xwar, şaş in.
Em ji xelkê re wek hût in,
Em ji xwe re wek kût in.
Em ji xelkê re hogir in,
Em ji xwe re dîn,har in.
Em ji xelkê re edet in,
Em ji xwe re qebhet in.
Em ji xelkê re pispor in,
Em ji xwe re çav kor in.
Em ji xelkê re camêr in,
Em ji xwe re çav nebar in.
Em ji xelkê re nîr kêş in,
Em ji xwe re ser gêj in.
Em ji xelkê re welî ne,
Em ji xwe re xwelî ne.
Em ji xelkê re çûkê kedî ne,
Em ji xwe re gurê birçî ne.
Em ji xelkê re emir bîst in,
Em ji xwe re hewş, sist in.
Em ji xelkê re bi kiras in,
Em ji xwe re pê xwas in.
Em ji hêviyan şiyar nab in,
Bi Kurdistan ê şa nab in.
Amedekar: Seyda Mêrdînî
_______11/04/2025______
Yorumlar
Yorum Gönder