XAL KOÇA TE XOSTE DIL ARE

XAL KOÇA TE XISTE DIL AR E

             

Felek dîsa te gul hişkir

Ronî di çavê'm te reşkir 

Dilê zordara te xweşkir

Xal koça te xiste dil ar e.     

 

Gul û nêrgiz diponij in 

Malbat û dost diqijqijin 

Rondik ji çavan dirijin

Xal koça te xiste dil are.

Xalê şêx masûm bêj e 

Dilê dayikan bibrêj e

Tu derman bû ji mêj e

Xal koça te xiste dil are.

Tu çav û hem ziman î 

Bo derdê me derman î 

Şagirtê Ehmed û Xan î

Xal koça te xiste dil ar e.

Zimanê kesê bin dest e 

Him diljar û him mest e 

Herdem hêvî û mebest e

Xal koça te xiste dil ar e.

Çima adar wusa har e

Li ser milan giranbar e

Laş bi janê dike hewar e

Xal koça te xiste dil ar e.

Piştî te kî bide şîretan

Bipîve bejna Kurdsitan 

Rêzbike gotin û hestan

Xal koça te xiste dil ar e.

Te derd û kul civandî 

Tovên jîndariyê çandî

Karwanê xeman êşandî

Xal koça te xiste dil ar e.

Ziman li civata hejar e

Li pêla demê siwar e  

Bo me hemiya biryar e

Xal koça te xiste dil ar e.

 

Êşan xwe bi te nas kir 

Serî li ber kêlê xwar kir 

Nifşên ciwan hişyar kir

Xal koça te xiste dil ar e.

 

Tu evîn û dil girê axe 

Were wan pelan raxe 

Dizanim di dil de daxe

Xal koça te xiste dil ar e.

Şewata ar dilkir war e

Jibo te ew dost û yar e 

Welat ji bîra te bar e

Xal koça te xiste dil ar e.

Bila bihuşt serfiraz be 

Li asoyê wê tu baz be 

Li wir jî tu bi daxwaz be

Xal koça te xiste dil ar e.

Xort û xam tev dilbirînin

Wê te bi bîra xwe bînin

Rist û hesta l'te bicivînin

Xal koça te xiste dil ar e.

Oxir be ji te ra oxir be

Xalê şêx masûm oxirbe 

Koç kirin bi te nake be

Xal koça te xiste dil ar e.

Darbest ser milê yara

Dibin dane dost û bira 

Goristan bû war ji tera

Xal koça te xiste dil ar e.

Çiqas zore ev heqiqet 

Rûh ji bejna delal derket

Agir bi nav dilê me ket

Xal koça te xiste dil ar e.

Tu pir zû çû ji nava me 

Te şîn xistî ye nava me 

Çewa dê were sebra me

Xal koça te xiste dil ar e. 

Çav nabînin bejina te

Guh nabihîsin dengê te

Arambû bome hebûna te

Xal koça te xiste dil ar e.

Tu bi qedirbiha şînasbû

L' şar û bajar û gundabû

Li daw û şah û bendabû

Xal koça te xiste dil ar e.

Me bawerî pir bite hebû

Xwarî gel te qet tunebû

Pir durist û yek parçebû

Xal koça te xiste dil ar e.

Te sistayî qebûl ne dikir

Kar û xebat te zêde dikir

Ji gundiyan re rê vedikir

Xal koça te xiste dil ar e.

Keder û xem te kom kirî

Li me dom bar giran kirî

Pir heyf û pir melûm kirî

Xal koça te xiste dil ar e. 

Lerz û tevger bi mêranî

Te wezin dida her însanî

Te bawerî bi lerzê di anî

Xal koça te xiste dil ar e.

Xweda li Şêx neke pirsî

Ji Amedê ta erş û kursî

Ji xwe ez dinav wê tirsî

Xal koça te xiste dil ar e.

Pirsa bin wê qebra tarî

Ew nezanên xwelî serî

Ji ber wê derd û kederî

Xal koça te xiste dil ar e.

Gora tarî ji wî re mekan

Neçar li wê di bin sekan

Mûnkîr, nekîr û melekan

Xal koça te xiste dil ar e.

Emel ji bo mirov hevale

Mirov çi bike ew li bale

Fikar ji bo wê erx û çale

Xal koça te xiste dil ar e.

Li qîyamet ê li ser pir ê

Dema çav da wî agir ê

Bê fêde çare w berger ê

Xal koça te xiste dil ar e.

Ew nexweşî te ji ku anî

Kê da bû te kes nizanî

Xeftek hedar ji mer anî

Xal koça te xiste dil ar e.

Ti çû xatir j'me nexwestî

Ber nexweşiyê neda destî

Kê ew didît wî dixwestî

Xal koça te xiste dil ar e. 

Emê çewa te ji bîr bikin

Şemzên biçûk j'şîr vekin

Pir gazind û qîr qîr dikin

Xal koça te xiste dil ar e.

Emê kengî te j'dil derxin

Dil tije sarinc, bîr û erxin

Emê çilo hevdu li berxin

Xal koça te xiste dil ar e.

Xweda rehmê li te bike

Gora te ji mermer çêbike

Wek daxwaza tebite bike

Xal koça te xiste dil ar e.

S Mêrdînî 27.03.2023