MIN JI LÊVAN

MIN JI LÊVAN ....

Min ji lêvan met vexwar

Sîng mermera şîn bihar

Ez dil şad û dil xweşim

Li wargeha delal û yar

Yar delala naz û şeng

Ew dem xala rû çeleng

Li ba yara xwe dildarim

Fîstan reng şox û şeng

Yar delala dev li kene

Pir bedew lêv û çene

Ez gelek pir dilşadim

Vebûn ev piştik bene

Sermest û bê hiş ketim

Nav baxê gulan raketim

Nizanim ez sermestim

Xwezî jîn wusa bê tim

Gul û kulîlk bêhn vedane

Dil ji eşqa nayê hedane

Li derya evînê werkirin 

Dil geşe geşt û seyrane

Yar geşt bû dermanê dil

Min dûr kirî ji derd û kul

Bi deng û awazên bilbil

Çav ji rondika hew bû şil

Seyda Mêrdînî 21/02021