JI TE NEBÛN RAZÎ?

JI TE NEBÛN RAZÎ?

Min Dîlbera xwe, di xew da dî

Ew pir xemgîn bû, bi qîr û girî

Rex wê rûniştim, çav bi hêsirî

Min dî hin kesan, kefen dibirî

Min kire qêrîn, hewar û gazî

Xayîn felek tu j'me, çi dixwazî

Bi erdhejê em kirin, belengazî

Netewa Kurd ji te, nebûn razî

Fermandarîya te, gelek xedare

Hekîm û nûjdar, jêra nake çare

Ez xew şîyarkim, şêx Se'îdê kal

Dîlbera xwe bibime, bal rêbere

Bêjim ey şêxê kal, tu bi Xwedê kî

Melhem û niviştekê, ji mere çêkî

Birînên Kurdistanê, tu derman kî

Van derd û kederan, ji me dûr kî

Şêxê min peyda nekir derman

Destê'm sistbû ji erd û ezman

Min go, ez ê xwe kujer bikim

Go nabe nebûye tiştên wihan

Seyda Mêrdînî 22.02.2023