DILÊ AZADÎYÊ

 ________/////////________

Dîlê azadiyê.

Ger bibin hîm û çiya ew

Lê belê volqanî tû 

Ku bibin Fer-onê Turka

Mûsayê kurdanî tû

Çend ku gerdûn wergerînin

Ar û pêt her vêkevî

Ger ji avê ar derînin

Agir û dûmanî tû

Çend bibin şev û zilomat

Mij û tarî û kelên1

Lê di nav re wek xetîre

Ruhnî û ramanî tû

Mîjoya min nuh bikin ew

Girtin û îdam û zem2

Her wekî Axtî û Xalid

Rêber û semyanî tû

Kedxwerê cîhanê tev de

Ew li ser te bûne yek

Ma gelo ew pê nizanin

Hanê Ma-medanî tû

Fitl û pêç û Tevn û davên

Kû ji bo te wan vedan

Lê belê herkes dizanê

Xanê serhildanî tû

Merwet û namûs û xîret

Wan firotin dan pera

Pêşberê kedxwara wek hîm

Kakila wijdanî tû

Bazirganî wan bi xwîna

Te kirin û dane hev

Çendî erzan bik'ne lê her

Qublet û îmanî tû

Hirç û hovin çi dizanin

Kurd bi vê dibne mezin

Çend te bigrin yan bi kuştin

Ale û nîşanî tû

Dad û ensaf , aştî û hîn3

Tev ji nêrînê te bûn

Rastî qey qaçaxe îro

Lew di bin çvanî tû

Xwendegehkî ber bijartî

Bazger û nîmoş4 û hêz

Gel ji wê wergirte ven lê

Hamen û rûdanî tû

Lê bi te kurda xwe naskir

Her bi te ew çûne jor

Nav û dengê wan belav bû

Kalê ser sêryanî tû

Lê jina kurd te bilind kir

Ew wekî mêr çû li pêş

Paytexta dijmin hejand wê

Serwer û rêzanî tû

Serî hildana gelê kurd

Gogzemîn yekser hejand

Baş diyar e ew dizanin

Rader5 û serkanî tû

Metrepolên kedxwera

Wêrankirin wan dane ser

Diz û tolaz ew ditirsin

Bager û tofanî tû

Sêwiya destê xwe hildan

Xwestekê mafê xwe ne

Ew li derdorê te bûn kom

Rêberê insanî tû

Lew sitemkar bizdekî bûn

Kir'ne hêl-hêl û hewar

Wan dizanî ku ji bo gel

Bersiva talanî tû

Pê te dunya l' me şiyar bû

Kar û tevger deng veda

Pê te kedxwer bûne qeşmer

Zengilê cîhanî tû

Qet bi kuştin û bi îdam

Miletê min naçe paş

Çend ku dunya tev l,me rabe

Bergerê sêwiyanî tû

Sed hezar APO li dozê

Kar dikin û diç'ne pêş

Dîliyê cenga hebûnê

Şerker û şervanî tû

Dadgehek reş wek rûyê wan

Ku tu lê dozxwaz dibî

Lê milet tu hilbijartî

Dad û hem dozvanî tû

Ger te nivzkin bi şikênin

Ger ku te bik'ne tune

Lê belê her tu bilindî

Mîrê asîmanî tû

Em dixun sûndê ji bo te

Em didin sozê û bext

Rêçika gel her li dûv te

Wek ( Nebî Silêmanî ) tû

Ser bilindî, ser firazî

Em pesindarê te ne

Ta welat û gel hebî her

Ala Kurdistanî tû