SEMA KÎYE?
SEMA KÎ YE?
Sema yûce nav leyla ye
Keça agirî deng veda ye
Bo me li daw û doza ye
Nîşana jîne şa û biha ye
Sema kî ye?
Sema vîne
Sema kî ye?
Sema evîne
Sema zerya aryen meda
Wê rihê xwe diber me da
Di zindanê li ber xwe da
Ew şehîd bû di vê rê da
Sema kî ye?
Sema vîne
Sema kî ye?
Sema evîne
Sema tola hezar salan
Şewq û finda dilê koran
Şin û girîna pîr û kalan
Daxwaza feqîr û hêsîran
Sema kî ye?
Sema vîne
Sema kî ye?
Sema evîne
Sema rabû bi qîr û hawar
Gazî kirye dijmin û neyar
Bese xuna me we vexwar
Ew em hiştin bêdost û yar
Sema kî ye?
Sema vîne
Sema kî ye?
Sema evîne
Sema tev agir û pêt e
Gava deng b'keleşê ket e
Deşt û çiya pê dişewt e
Dijmin ber wê nalepit e
Sema kî ye?
Sema vîne
Sema kî ye?
Sema evîne
Sema karxezala me ye
Amed paytexta dila ye
Ware bext ehda me ye
Remz û baregeha me ye
Sema kî ye?
Sema vîne
Sema kî ye?
Sema evîne
Sema ava çav kanî ya Derket ji nav gelî û çiya
Ew bûye hevîya sewî ya
Bû qûtê xizan û birçî ya
Sema kî ye?
Sema vîne
Sema kî ye?
Sema evîne
Sema şûr û çeka me ye
Berxwedana gelê me ye
Ew ronahîya rêya me ye
Zagros û Seheda me ye
Sema kî ye?
Sema vîne
Sema kî ye?
Sema evîne
Sema gula cejna me ye
Newroz û sersala me ye
Sewda û daxwaza me ye
Sembola artêşa me ye
Sema kî ye?
Sema vîne
Sema kî ye?
Sema evîne
Sema bû xemla biharê
Bû mizgîna meha adarê
Pê xemilîn pelkên darê
Keskesor ji xemla yarê
Sema kî ye?
Sema vîne
Sema kî ye?
Sema evîne
Sema baxê rez û werze
Gul û beybûn û nêrgize
Xweş radibe bilez û beze
Bejna zirav rûyê geveze
Sema kî ye?
Sema vîne
Sema kî ye?
Sema evîne
Sema cejn û şahî pîroze
Ava Dîjle û Firat û Erez e
Di xuşxuşe li hev dibez e
Bi şûr û mertal û gurz e
Sema kî ye?
Sema vîne
Sema kî ye?
Sema evîne
Sema bûye werzên îrem
Çav û birhe wê bûn qelem
Biskên reş qeytanin hem
Di dil da wê bijî her dem
Sema kî ye?
Sema vîne
Sema kî ye?
Sema evîne
Sema bejin tay rihan e
Şax berda çol û çiyan e
Wek gula li nav rezan e
Daxwaza xort û keçan e
Sema kî ye?
Sema vîne
Sema kî ye?
Sema evîne
Sema ar û pêtê jiyan e
Pêktîne mafê Kurdan e
Derketî hol û meydan e
Li nav gund û bajaran e
Sema kî ye?
Sema vîne
Sema kî ye?
Sema evîne
Sema nevya Rûstem zal e
Gerden bilind wek xezal e
Şemamoka li nav dehl e
Ji ber bindestîyê dinal e
Sema kî ye?
Sema vîne
Sema kî ye?
Sema evîne
Sema bû kedkarê evîn ê
Li nav baxê jiyan û jîn ê
Xweşika çav bi dûrbîn ê
Sebra dilê Mem û zîn e
Sema kî ye?
Sema vîne
Sema kî ye?
Sema evîne
Sema şervan bû li botan
Şêr û pilîinga serê çiyan
Bû melhema birîna aryan
Şewq û şemala me giyan
Sema kî ye?
Sema vîne
Sema kî ye?
Sema evîne
Sema raperîna kurda ye
Şev û roj û dema me ye
Serhed û Botana me ye
Bela serê dijminê me ye
Sema kî ye?
Sema vîne
Sema kî ye?
Sema evîne
Sema voqan û agir e
Li çiya li ceng û şer e
Tevheve serê neyar e
Qêrîn ket deşt û zinar e
Sema kî ye?
Sema vîne
Sema kî ye?
Sema evîne
Sema bîr û bawerya me ye
Ew pîvan û ramana me ye
Şoreşgera tevgera me ye
Serhildan, leylaya me ye
Sema kî ye?
Sema vîne
Sema kî ye?
Sema evîne
Sema li çiya û zozan e
Kezyên dirêj nav milan e
Nîştiman jê ra bû eyan e
Ew berxwedana zîndan e
Sema kî ye?
Sema vîne
Sema kî ye?
Sema evîne
Sema serdoz him leşker e
Bû bîrdoza cejna karker e
Rêzan û zanyar û şerker e
Tirs kir dilê hov û neyar e
Sema kî ye?
Sema vîne
Sema kî ye?
Sema evîne
Eyb û şerme xortê ciwan
Ev tola me yî sedê salan
Keç şer bikin wek pêlewan
Hûn temaşa kin li wan
Sema kî ye?
Sema vîne
Sema kî ye?
Sema evîne
Sema bijî hezar aferîn
Erk û suxra te em xemilîn
Dîsa li min derbûn birîn
Dil û cergê min bûne xwîn
Sema kî ye?
Sema vîne
Sema kî ye?
Sema evîne
Seyda Mêrdînî
09/03/2017
Yorumlar
Yorum Gönder