NEYAR XWESTIN ...!

NEYAR XWESTIN ...!

Neyar xwestin wê wenda bikin

Rengê keskesor û zer reş bikin

Wê bi xweşî bin ax û gor bikin

Xwestin bi keçê xwe bi nav bikin

Bo gelê Kurdistan wê ji bîr bikin

Keçek jîr bû, xwe winda ne kir

Bi neyar û hovan bawer ne kir

Kirasê bê rûmetî yê li xwe nekir

Li mezinan deng û guhdar kir

Wê çand û hunera xwe bi hêz kir

Berê xwe da nîştiman wê bang kir

Di heps û zindanan de raperîn kir

Rext û tifinga îngilîzî j'xwe re rakir

Berê xwe da qada cengê wê şer kir

Wê ala rengîn hilda li şer bilind kir

Wê çikir çi nekir bi neyar re şer kir

Tirs ji dilê me derxist kar û xebat kir

Di dilê dijmin de tirs û xof bi cîh kir

Çep û rastiya neyar tevlî hev kir

Kêşanên dijmin pûç, kerr û lal kir

Hemû dewletên dinyayê hişyar kir

Tiştê nû anî û tiştê kevn ji holê rakir

Ji bo hejar û feqîra xwe qurban kir

Me keça kurd Arîn mîrkan bi nav kir.

Seyda_Mêrdînî 06/06/2016