KURDİSTAN

___/KURDISTAN\___

Kurdistana bejin dirêj 

Rabe ser xwe tu bibêj 

Bake kurdê kerr û gêj 

Şiyar bin ji xewa qirêj 

Şiyar be zû bike xebat 

Şerm bik ji halê welat

Qîreqîra pir l'wîr dihat 

Ji êvar de heta nimêj

Kurdistana bejin kinik 

Xwedî yê xirxala li nik 

Gazî wan kurdê sivik

Ji birîna pir xwîn dirêj 

Xwîn d'canê min nema

Zer bûme wekî şima 

Sewt û dengê me nema

Dijmin kuşt im bi tîrêj 

Kurdistan maye bi nêvî

Keç û xort wete bi hêvî

Wek nêçîrvana bi kovî

Xwîna dijmin ji tu birêj 

Kurdno hişê xwe navêj 

Ji xam û ciwana bibêj 

Herin gel seyda bi bêj

Doz li me ma ye dirêj 

S Mêrdînî 19/10/2016