FELEKA XAYÎN

FELEKA XAYÎN ......

1 .

Feleka  xayîn,  barê min giran.

Li min tefandin, rohnîya çiran.

Çar gurê harin, hev didin diran.

Tê doza kurda, ligel hev biran.

2 ..

Belengaz kuştin, bi kerb û bikîn.

Gelî  û  newal,  tijî  bûn  ji xwîn.

Ecêba wê kengî, ji bo me mizgîn.

Divêt azad bim, d'demek lezgîn.

3 ...

Ji xeynî kurda hêsîr nema ne

Hezarên sala li ser me fermane

Kovan û keser pir li me girane

Birînê zehf kûrin nîne dermane

4 ....

Şêrê kurdan, tim nemir xuyane.

Mal zanîngehe, ew lê gihane.

Ji mêj de ew, mêrxas wehane.

Bo welatê xwe, ew can fedane.

5 ....

Ger tu li dinê, nebî mêz û xîret.

Dilê te neşewite, li gel û millet.

Tê cefayê bikşînî, li dinê û axret.

Dojeh ji bo te bibe, agirê bi pêt.

6 ......

Derya çavên te, pir dûr ez birim.

Di tarîya xwe da, te ez dîl kirim.

Ez bê dewletî, bi derd û kul kirim.

Di eşqa xwe da, ez zîndan kirim.

7 .......

Ev çendî salane, ez li ser te dinalim.

Min heware her dem, ji bo te lalim.

Li biyanîyê bê dengim, ez li vînê.

Li min bibore, ez nema êdî dikarim.

8 ........

Bi hêvî û bawerim deng diçe Xweda 

Bi destê hov û neyara me neke feda

Pêşe rojê azadîya me tu bidî meda

Ev pêncî salê ez li bendî me Xweda 

Seyda Mêrdînî. 11.09.2021