KÊZXATÛN

KÊZXATÛN.

Kêzxatûna ber çema

Şimamoka di lema

Min hay ji xwe nema

Te xistim kul û xema

Delala mak û kozê

Çav belek enî bozê

Berê min daye dozê

Bêjim çi dibê hema

Te çi xwestî min anî

Firmêskê çavan kanî

Tev li ber te min danî

Dixwazî reqs û sema

Xalxalka rind û şêrîn

Mirov re têne mizgîn

Ji bo êş û jan û birîn

Tu derman nakî çima

Cîhan gelekî mezine

Binêr derya bê bine

Nebi qas evîna mine

Te ez kuştim bi rima

Kêzika hecê hêjaye

Perî û horîya erşaye

Li ser serê min daye

Derd û kulê mi nema

S Mêrdînî 16.08.2021