AMED BINER!

AMED BINER!

Amed biner li efrînê,

çi agir ser de dibarî.

Maye li ber dil êşê,

bi qêrîn û bi zarî.

L bax û dar û zeytûn,

lê dinêre bi dilbirîne.

Zar û tîp cur bi curin,

dibînin xem civîne.

Ew jî wek te b'xemgîn,

bê hogir û hevale.

Ger çi dibê bi cesûrin,

wek şêx seîdê kale.

J dewra osmaniyan, heya niha hêsîrî.

Di qeyda aqlê sivik,

belangaz û feqîrî.

J'bo navê dîn û îman,

xulam û dergevanî.

Di çol û deşt û zozan,

ji bona dijmin şivanî.

J nav we girtin kuştin, welatparêz û serwer.

Di şûn egîd û şêran,

hiştin keftar û diz,ker.

Efrîn xweş û şêrîn,

kirin der jîr û zane.

Hov û sîxûr û xayîn,

kirin talan bi tekane.

Gelek zana tev birin,

xistin heps û zîndana.

Nîşan û nêçîr kirin,

civandin li meydana.

Rom û e'reb û e'cem,

wan ne dîn û îmane.

Weke dûpişk û marin,

j'bo me daye fermane.

Milet ji bo te nexweşin, gerdûn bona wan tarî.

Kul û derdan dinoşin,

ketin destê neyarî.

Çar perçe hev bipirsin,

çi ye êşa me kurdan.

L hember hev bigirsin,

bi êşa jan û derdan.

Rêya rastiyê dizanin,

kul û derd û hejarî.

Bi hev ra tim xizanin,

di rojên teng û tarî.

Yekbin l'hember neyarî,

bona kurdê belengaz.

Di gel hev alîkarî,

wekî mêrê hunerbaz.

Amed tu hewler bibîn,

tev de burc û kelatin.

B'dengê kewan bixwîn,

lê bike jiyan û felatin.

L welat tim ceng û şer,

şikeft û lat û tatin.

Civat û hîn û tevger,

hev dîtin û xebatin.

Çewa tolê nastînin,

ji neyarê  sitemkar.

Tê da derfet nabînin,

dijmin nakin tar û mar.

Mane bêçar û bêpar,

bi gazin û bi hewar.

Bêperwerde par û war,

bêreber û xwendekar.

S mêrdînî. 06.11.2020