WELAT GELEKÎ XWEŞ BÛ

WELAT GELEKÎ

        XWEŞ BÛ

Li gundan û li bajaran 

Havîngeh tev biharan

Baran bi keske soran 

Welat gelekî xweş bû

Payîz wexta dawetan

Li pey di hate zivistan 

Dema çîrokên civatan

Welat gelekî xweş bû

Şivan lêdixistî bilûran

Karvan diçû berkaran

Gavan li ber dewaran

Welat gelekî xweş bû 

Darê mazî û devîkan

Helalk û wan berûkan

Hevraz û tev gelîkan

Welat gelekî xweş bû

Xan û dêr û mizgeftan

Li wan gêh û şikeftan

Ser lat û zinar û tehtan

Welat gelekî xweş bû

Li koşk û wan xanîyan

Tev hespan û canîyan

Robar û wan kanîyan 

Welat gelekî xweş bû 

Şixre hatî ser bêderan

Keç û xort gêre geran

Karker û tev yaweran

Welat gelekî xweş bû

Baxê rezan û zevîyan

Avzê dihat ji çavîyan

Avên sûlav û kanîyan

Welat gelekî xweş bû 

Ber berojk û dîwaran

Li serê çiya û zinaran

Bêkes û dost û yaran

Welat gelekî xweş bû

Bêrî yên pez kovîyan

Wan beran û nêrîyan

Nav mêrga di çêrîyan

Welat gelekî xweş bû

Qaz û werdek û quling

Kew hêlina dibin pung

Şêr û mêrxas û piling

Welat gelekî xweş bû 

Zerîyê bi evîn û yarbûn

Çav belek û esmerbûn

Fistan dirêj reng zerbûn

Welat gelekî xweş bû 

Baxê gula ji bo bilbila

Xizan bi kêyf û bi dila

Dilgeş bê derd û kula

Welat gelekî xweş bû

Sosin û tev binefşan

Ew dîwarên bi nexşan

Dijmin kavil kir weşan

Welat gelekî xweş bû

S mêrdînî .... 18,04,21