BARÊ ME

 BARÊ ME

Ka rûmet û nirxên me

Wargeh û zozanên me

Ka wan rih spîyên me

Barê me zehf giran e

Ka gelî û cobarên me

Ka zevî  û dehlên me

Ka baxçe û baxên me

Barê me zehf giran e

Havîngeh û ew bihar

Zivistan ew rojên sar

Hovane bûn gurê har

Barê me zehf giran e

Dijminek gelkî dijwar

Dinêre bi çavê xedar

Mîna gurê xwîn xwar

Barê me zehf giran e

Çiqa neyarek bê qerar

Jibo kurda bi bare bar

Gund belav kir li bajar

Barê me zehf giran e

Hezar,nehsed,nodû,çar

Agir li ser me de dibar

Kuştin û him birîn dar

Barê me zehf giran e

Gundî mane li beyar

Zêç û zarok bi hezar

Derdor girtî ye neyar

Barê me zehf giran e

Em bê dengin nikarin

Bi derd û kul û hejarin

Hişk bûn tev li nezarin

Barê me zehf giran e

S mêrdînî,,,,,10/04/21